قدر مكتوب ام اهمال ؟!

مسا الخير،
سبق وكنت قاعده مع دار عمي من فتره، وصار ابوي يتناقش مع عمي بموضوع اللي عنجد لفت انتباهي وصرت اسمع كل واحد فيون شو عم بقول وشو وجهة نظره،
وهالموضوع ضل ببالي لأطرحه هون مره،
الموضوع كان عن مرض الإنسان، بإنه لمن يسخن او لمن يمرض مثل ما بتقولوا انتوا، هل بكون هالإنسان مِرِض بسبب اهمال الصحه او ربنا اللي بكون هيك كاتبلو؟
حتى لو كان مرض هالقد بسيط مثل رشح او حم عالي بالجسم اللي منشفى منه خلال اسبوع، او إذا بدنا نحكي عن امراض اللي هالقد صعبه مثل مرض العضال او السرطان إلخ ..
مش مهم شو نوعية المرض، الإنسان لمن يمرض حسب رأيك هو بحالو بكون السبب بهالإشي واهماله لصحته؟
او ربنا اللي بكون كاتبله إنه يمرض؟ وإنه قدرو بكون مكتوب وبإنو بيوم كذا بتاريخ كذا رح يمرض ..
بعتبر سؤال وجيه ويمكن صعب نحدد جواب واضح إلو ..
بس حابه اعرف كل واحد فيكوا كيف بيفكر ..

بداية قدر الله لا اعتراض عليه

لكن ف بعض الحالات يكون الاهمال سيد الموقف

بتلاقي الام او الاهل بشكل عام اهملوا مرة أو مرتين او اعتبروا الشي مو مستاهل ف بطشنوا

او بتصرفوا بطريقة مش صح ف لتسبب الوفاة

يعطيك العافيه على الطرح

انا بقول لن يصيبكم الا ما كتب الله لكم
يعني شو ما بصيب الانسان
حتى لو نخزة شوكه
بكون بارادة ربنا
اما ع الاهمال
ف اذا وقع القدر..عمي البصر
يعني كمان برضه بتكون ارادة ربنا
مشكوره ع الطرح والنقاش سمره

احيان بتكون ابتلاء من الله الامراض
واحيان بتكون بسبب اهمال الانسان لصحته
بين هذا وهذا

هو اهمال اذا وضح الك انه مرض بسببه
وهو قدر اذا وضح الك انه كان مهتم بحاله
يعطيكِ العافية

ككلششي بسسير مععنآآ
ممعنآ ققدر و مكتتوبب !
و المرضض لو ككانن اهممآال بييككونن سسبب
بسس لـ نمرضض ششانن الله ككآتب النآ متلنن نسسخنن في بججي سسبب مو اككتر !
يسسلمو ')
وردهه

وتين، نقاء، مؤمن، خالد، ننوش،
شكرا ع إبداء وجهات نظركوا فالموضوع، بأيدكوا الرأي،
كل اشي بصير بحياة الإنسان هو تدابير من رب العالمين،
بس برضه الله عطانا العقل لنعرف كيف نستخدمه لنعيش الحياة بحكمه اكتر،
لهيك الله ممكن يحطنا فأي ظرف او موقف اللي فيه احنا لازم نستخدم عقلنا وذكائنا ونحافظ ع صحتنا،
ومطرح ما نهمل الصحه هون منكون معرفناش نستعمل العقل اللي الله عطانا اياه، يعني احيانا الشغله بتتعلق فالإنسان،
ومن هون ربنا بحط فينا المرض لإهمالنا، وبصير مرضنا قدر مكتوب ..
يعطيكوا العافي

بدايةً , موضوع نقاشك جداً مميز و مهم

طبعاً كل إشي بيصير للإنسان صغيرة او كبيرة مكتوبة منذ الازل عند رب العباد بدليل من القرآن , قال تعالى " إنَّا كل شيءٍ خلقناه بقدر " و كمان دليل من القرآن : قال تعالى " ما أصاب من مصيبة في الأرض ولا في أنفسكم إلا في كتاب من قبل أن نبرأها إن ذلك على الله يسير " , مثلاً ازا مِرض الانسان بيكون نتيجة إهماله أو ابتلاء من ربنا عشان يخفف ذنوبه أو بلاء من ربنا عشان عمل ذنب معين , لكن هادا الاشي قبل ما انو يصير بيكون مكتوب عند ربنا يعني مكتوب انو هادا الانسان مهمل بصحته مكتوب هادا الانسان مش منتبه ع حاله , بالرغم من انو كل اعمالنا و أفعالنا و حركاتنا كلها مكتوبة هادا ما بيدل ع انو الانسان مسيّر انو بيفعل اللي انكتب عليه لمجرد انو انكتب عليه هيك , لأ .. الانسان خلقه ربنا مُخيَّر و عنده ارادة حرة يعمل شو ما بده فإزا مرض هادا اختياره لانو اهمل نفسه و ازا ما مرض بردو هادا اختياره لانو انتبه ع نفسه منيح , ربنا لما جعل الانسان مُخير حط مع جنب التخيير العقل , كرمه بالعقل و ميزه عن جميع المخلوقات بالعقل و الفطرة السليمة , يعني بنهاية رأيي بحكي انو مش كل اشي مش منيح بيصر معنا نعلقه ع شماعة انو ربنا كتبه علينا لأ
ربنا حطلنا حرية الاختيار ازا غلطنا نتحمل نتيجة غلطنا و ازا ما غلطنا هتكون حياتنا حلوة و منيحة


شكراً لنقاشك سمرة

هلا معروف بدينا ان المرض ابتلاء وان ربنا يبتلي الانسان بالمرض ليكفر عنه ذنوبه من اصغر واقل مرض ممكن يصيب الانسان للامراض الصعبة يلي ما الها علاج فى وقتنا الحالي

احيانا فى ناس وكتير وبيكونو وصلو لسن ال ٨٠ وبيحكو انهم عمرهم ما مرضو ولا حتى رشح

واحيان كثير الانسان بيكون مهتم بحاله وبصحته ومابيعرض حاله للمرض والخطر ولكنه بيمرض

وكل شئ ربنا كاتبه النا حتى المرض لصغير حتى الشوكة يلي بتدخل باصبعنا او برجلنا ونحنا مابنكون حاسين فيها بيكون ربنا كاتبها النا

نقاش طيب سمره ومميز

عوافي ياطيبة

هذا سؤال قريب للعقيدة

نعم كل شئ مكتوب ومقدر
لكن
نتوقف قليلا
خلق الله العقل وميز الانسان به
واراه السبيلين
الخطأ والصواب
لنعد لموضوعنا
المرض هو مصيبة ابتلى الله فيها عبده
وايضا لم يترك رب العباد شيئا الا ووضع له الاسباب
ترك لنا الخيار
وهديناه النجدين
ربما بسبب اهمالنا تعرضنا للمرض
والعظيم رب العباد يعلم ذلك مسبقا
فمنح الله للانسان تحكيم عقله
شكرا على الموضوع