اسمك مش لايق عليك والله ...

السلام عليكم
قصة قصيرة حصلت معي
احد الشباب لما اتعرف عليّ وحكيت له اسمي خالد
حكالي طبق لزق خالد !!!
بس هالاسم ما توقعته اسمك ومش زابط عليك
بحكيلوو شو السبب فحكاالي ما بعرف مجرد احساس
حكيتله الحين خالد بن الوليد مش عاجبك اسمه
حكالي االاسم على العين والراس بس مش لابق عليك ....

اكيد مريت بهيك موقف او انه موقف شوفته قدامك سواء انتا المتعجب من الاسم انه يليق للشخص او لا أو إما انك سمعت هيك حكاية

السؤال
هو كيف بتعرف انه هالاسم لايق للشخص او مش لايق ؟؟
هذا اولاً
ثانياً اسلوب الطبق لزق لبعض الناس اللي تحت باب الصراحة اسلوب حلوو لانه كان صادق او لا !!
ثالثاً اذا مريت بهيك موقف شو راح يكون تصرفك او ردة فعلك ؟؟
رابعاً ممكن تحكيلي لحدا انه اسمك مش لايق عليك اذا حسيت بهيك اشي !!!

خامسا انطباعك لكل انسان عندوا احساس زايد عن الحد لحتى يحس بالاسماء !!!
دمتم بود

والله منا عارف شو رح احكيلك
المظآهر خداعه احاينآآ
بس هشخص اكيد بعاني من نقص او غيره ما بعرف بزبط ايه هي
الي خلا يحكم عليك بتصرف هاد اكيد غرور او استفزاز لا اكتر ولا اقل .

1 بأعتقادي /ِ هو ليس صادق بل منافق او مجآمل لانو شغلات متل هاد ما فيها صادق او كادب فيها مجامله "

2 لو انا عن نفسي مريت بهيك مواقف اكيد رح احكيلو الك حريتك بتعبير ولكل انسان الو وجهة نظره الخاصه ، بس بحكيلوو رجع نفسك بتعرف انو عندك شخصيه ناقصه فيك

3 ممكن احكي لانسان اسمك مش لابقلك بس اكون بعرفه وبينا اشياء اكتر بكتير معرفه حلوه حب وان كان هشخص عزيز ع قلبي بس بحدود "

4 الاحساس بلاسماء الها تأثير ع عقلتنآ وانطباع من الاسم لـ حتا نحسه بالمظهر ِ

هيك بنظري "

شكرا ليك وعاشت الاسامي يا خالد

يعطيك العافيه يا ورد

هو كيف بتعرف انه هالاسم لايق للشخص او مش لايق ؟؟

مابعرف صراحة بس احيان فى ناس اول ما اشوفهم بتوقع اسمهم يكون كذا او كذا وبيطلع معي صح

هذا اولاً
ثانياً اسلوب الطبق لزق لبعض الناس اللي تحت باب الصراحة اسلوب حلوو لانه كان صادق او لا !!

الامر عادي بحسسه


ثالثاً اذا مريت بهيك موقف شو راح يكون تصرفك او ردة فعلك ؟؟

عادي بضحكك ، لانه سبق ومريت بهيك موقف


رابعاً ممكن تحكيلي لحدا انه اسمك مش لايق عليك اذا حسيت بهيك اشي !!!

سبق وحكيتها بس حكيتها باسلوب ضحك ومزح


خامسا انطباعك لكل انسان عندوا احساس زايد عن الحد لحتى يحس بالاسماء !!!

انسان عادي مش هيكون بصّار اكيد ، وفى ناس بتاخدها بفلسفة



عوافي

ما عمره مر عليا الشئ هذا

يعني اولاً واخيراً هو اسم
وما كان لنا نختار اسمائنا

تحياتي

نحنا مو بايدينا نختار اسماءنا
لكن منختار شو بنعمل
وهالشي ما مر عليي
ولو مر بعتبرو سئالة وغلازة
يعطيك العافية انج خالد
وأنا بدون ما اعرفك
اسمك لابقلك ونشالله الله بيكتبلك حظ من هالاسم
جورية

في نوع من الناس ببقوا برسموا بعقلون شخصيات للأسماء،
ع سبيل المثال "نانسي" ممكن يرسموها بعقلون بنت دلعه وحساسه، بينما احمد بيرسموه "متواضع وبسيط" إلخ.
هذا ممكن يكون السبب اللي خلاه يحكيلك انه اسمك مش ملايم إلك، وإنه يكون مرسوم بعقله شخصيه لخالد مختلفه تماما عن شخصيتك انت،
بالنهايه هاي مجرد تخيلات بعقول الناس مش لازم حتى نصدقا،
بس في اشي ثاني إسمه "إلهام" اللي بيجي من الحاسه السادسه مع إنه شوي بعتبر في فرقيه بيناتون،
الإلهام اللي مربوط بالثقه الكبيري بالنفس، فيك تقول هو اشي معين بكون موجود عند الإنسان مش موجود عند غيره، لدرجه بيشوف وبيحس اشياء محدا بيشوفا وبيحسا، وهذا ممكن يكون سبب ثاني اللي خلاه يقلك إسمك مش ملايم إلك.
وحابه احكي شغله صغيري انا اول ما خلقت اهلي كانوا بدن يسموني "دنيا" بس بعدين قرروا "اثار"، هل اسم دنيا كان بكون ملايم إلي اكتر؟ او اثار اكتر؟
انا بقول اسم الإنسان بيضلو مجرد إسم، مش بالضروره يشبه شخصيته.
وبالنسبه للأشخاص اللي عندون هالإحساس الزايد عن حدو، هذول بعتبرون مختلفين كليا عن الاشخاص يللي برسموا شخصيات للأسماء،
اللي عندون هالشعور الزايد انا شخصيا بحب هالنوعيه من الناس، ومعنديش مشكله معون وبحب اسمعلون حرفيا، يمكن لإني بعتبر حالي شوي بميل لهالاشياء، ودايما عندي نظره عميقة تجاه امور كتير بالحياة. كتير امور صبت فيها. وسبق وإنحكالي بملك الحاسه السادسه.
شكرا خالد .

بصراحه انه حد عمرو حكالي اسمك مش لايق عليك ما صارت معي
بس انه انا احس انه هالاسم مش لايق ع صاحبه
حسيت مع حد كان معي بمنتدى
وكان تقريبا صديق
ابدا ما كان اسمه لايق عليه
ولما اعرفت اسمه
استغربت وحكيتله اسمك مش لايق عليك
لانه بعتقد ع اسم جدو مسميينه
وهو شخص كتير مهضوم وحبوب
طبعا هو ما زعل مني
وانا ما حكيتله الا لانه انا ع علاقه حلوه معه
اما لو كان الشخص غريبب عني
يمكن بخجل احكيله حتى لو حسيت
اما كيف بنعرف انه لابق او مش لابق
ما بعرف هيك احساس
بس ع فكره
انت اسمك كتييير لابق عليك
ومش مجامله والله
ويسلم للطرح
حبيته