طريقة عمل لازانيا باللحم المفروم والبشاميل❤️

❤️طريقة عمل لازانيا باللحم المفروم والبشاميل❤️

🌹 المقادير 🌹

باكيت لازانيا 400 جرام
750 جرام لحمه مفرومه
2 بصله كبيره مفرومه ناعم
فصين ثوم مفرومين ناعم
3 معالق كبار زبده.
معلقه كبيره بقدونس مفروم
معلقه كبيره زعتر مجفف
ملح وفلفل أسود حسب الرغبه
نصف كيلو طماطم مقشره ومفرومه
معلقتين كبار معجون طماطم

🌹مقادير البشاميل🌹

معلقتين كبار زبده
ملح وفلفل اسود حسب الرغبه
4 معالق كبار دقيق
نصف كوب جبنه موتزاريلا
2 كوب حليب

🌹طريقة التحضير 🌹

في حلة على النار نضيف الزبدة وننزل البصل ونقلبه كويس لحد مايدبل
نضيف اللحم المفروم والثوم للبصل ونقلب لحد ما اللحمة تستوي
نضيف البقدونس والزعتر المجفف ثم الطماطم المفرومة ونقلب كويس ونتبل بالملح والفلفل الأسود مع التقليب
نغطي الحلة ونسيبها على نار متوسطة شوية لحد ما المكونات تتجانس ونرفعها عن النار

🌹لعمل البشاميل🌹
نضيف الدقيق إلى الزبدة المذابة في حلة على النار ونقلب لمدة دقيقتين
نضيف الحليب السائل مع التقليب المستمر لحد ما القوام يتقل
نضيف الملح والفلفل الأسود ، ونضيف الجبنه الموزاريلا مع الاستمرار في التقليب وبعدين نرفعه عن النار ونسيبه على جنب
نسلق اللازانيا نصف سوا في ماء مملح متضاف معاه معلقتين زيت وبعدين نطلعها نحطها في مياه باردة بمكعبات تلج عشان اللازانيا ماتلزقش مع بعضها

🌹ملحوظه🌹
سلق اللازانيا بيكون شريحه او اتنين بالكتير ونستخدم معلقه خشب للتقليب، وفيه أنواع لازانيا مش بتحتاج سلق وبنستعملها على طول
نجيب صينية بايركس ندهنها بشاميل بسيط وفوقها طبقة من اللازانيا ونضيف طبقة من اللحمة المفرومة. نكرر طبقة بشاميل على اللحمة ونغطيها بطبقة لازانيا وننهي الازانيا بطبقة بشاميل ونضيف الجبنه الموتزاريلا على الوش
ندخل الصينية فرن ساخن على درجة حرارة 200 لمدة 20 دقيقة لحد ما اللون يبقا ذهبي

❤️ وبالهنا والعافية 😋❤️