أنا رجل شرقيّ ، لكن فَشلت في إشراقها!

أنا رجل شرقي ، لكن فَشلت في إشراقها...

🔸أنا بعطيها #فلوس ، بس بسألها على كل اشي بكم جابته و ليه جابته ، و بقوللها انضحك عليكِ ، و بخليها تكره اللحظة اللي اعطيتها فيها مليم ..

🔹أنا بطلعها #مشاوير ، بس قبل ما نطلع معاها بقوللها اخلصي ، يللا بسرعة ، و بستعجل على كل اشي كأني في مهمة مجبور عليها ..

🔸بروح معاها عند أهلها بس طول ما أنا هناك كأنه في اشي بيقرصني، وبكون عبء على قلبى !

🔹بنتقدها دايما #بالفشل ، بس لمّا تنجح فى اشي ولو كان بسيط ، بتمسخر عليها ..

🔸#بقارن تصرفاتها بغيرها ، بس لما تقولي غيرك بيعمل هيك وهيك ، بقوللها ما عندك ذوق و كلامك جارح ..

🔹#بجرحها وبستفزها وبعصبها ، بس أول ماترد عليّ بقوللها إنتِ مش مؤدبة ..

🔸بقوللها كل سنة وإنتِ طيبة ، بس في نفس اليوم برجع من برة بنفخ زي كل يوم عادي !

🔹بعاتبها انها #مش_بتدلعني ، لكن أنا بطلب منها الإشي كأنها خدامة عندي ..

🔸بتمسخر عليها ولو ما ضحكت على مسخرتي ، بوصفها بالنُكدية !

🔹بحكيلها على النسوان اللي مدلعة ومرتبة حالها ، ولمّا تقلي بدي وقت لحالي ، بطلعلها 100 اشي هي مقصرة فيه ..

🔸بقارنها بأمي في شغل البيت ، وبدي اياها مهتمة في حالها زي بنات الفيديو كليب !

#للأسف أنا :

🔹بعلمها الغضب ، وبطالبها بالهدوء !

🔸برميلها الكلمة البايخة ، وبطالبها تختار وقت العتاب !

🔹بكسرها ، وبستنى منها الابتسامة أول ما أدخل من برة !

🔸بحسسها انها عبء عليّ ، وبعاتبها ليش مكشره !

🔹بطالبها تكون متدلعة ، بس أول ماتكلمني عن طلعة ولاّ رحلة بننخنق من رغبتها!

🔸بحبها لكن بعاملها عكس مشاعري ..

🔹متجوزها ، لكن محسسها انها عانس معاي !

🔸بهدها ، وبطلب منها تتحمل علشاني !

🔹بعترف بغلطتي ، لكن قدامها بنكر !

🔸بوعدها لكن بستسهل وجودها وامتلاكها !

🔹بطلب منها فى البداية تتركني وما تلزق فيّ ، لكن أول ما بتبعد بتهمها بالتقصير !

🔸ما بشوفها ، بس بطالبها انها تدقق فى احتياجاتي !!

أنا رجل شرقيّ ، لكن فَشلت في إشراقها!

#رِفقاً_بالقوارير ..

احسنتٍ الانتقاء ملوكه❤️
مميزه و متألقه كـ العاده
الله يبعتلك ايام حلوة
و
سنين احلى

فعلا في كذا وعن قصص شفتها
يعني اخذتها ورده مفتحه من بيت ابوها
وترجع تموتها ليش بدال متكون لها الساقي
تكون لها الغضب الي يحرمها كل شي بيحسسها بفرح

بحتقر هالنوعيه من الرجال الي بيعاملوو الانثى كاانها شي زايد بالنسبه اله
والي بيفرض حاله عليها ولازم تكون مطيعه وتسمع الكلمه ويتشطر عليها
وهيا مسكينه تسكت وتنجرح

مالت على هيك شرقيين بيستاهلوو الحرق الف مره

....
تسلمي حبيبتي

كلام صحيح 100%
فعلا رِفقاً_بالقوارير ..
بس مين يسسمع الا من رحم ربي
طرح قيم وجميل
اختيار مميز ورائع
يعطيك العافيةة ملوكة

كلام منطقي وواقعي للأسف
ربنا يصلح الحال
شكرًا ملاك

وااقع مرير بحق الزوجه بجد
المتزوجين راح يعرفو هالكلام مزبوط
لان كتير اشيا من الي حكتيها كلنا مرينا فيها
.... يعطيكي العافيةة حبيبتي طرح جميل ل ابعد حد ..