♥♥...باقى من العُمر 24 سآعه ...♥♥

السلام عليكم
معلش الموضوع يكمل للاخر لاني عارفة ان الناس بتكسل



..........................


باقى من العُمر 24 سآعه ...
قبل الفجر بدقايق ، منه زى اى بنت عاديه جدا بتعيش حياتها و بتعمل كل الى يفرحها
قاعدة ع الفيس و فاتحه موبيلها ع الواتس آب بتكلم صحابها
تعلى صوت ضحك منه و يأذن الفجر
آيه صاحبة منه : انا هقوم أصلى سلام ناو
منه : بصوت نعسان ، ماشى يا ست الشيخه سلام
يرن موبايل منه اثناء الاذان و ترود ....
منه : محمد ايه اخبارك ! وحشنى يبنى ؟ كدا متسألش ع اختك !!
اومال بقى انتى صاحبتى و اختى اول ما ارتبط اختفيت كدا ههههههههـ
طب بقولك ايه يا محمد سلام ناو عشان ماما صحيت و هشوفك بكرة يلا باى
الأم بتقوم من ع سجادة الصلاة ... و تنادى
: منه قومى يبنتى صلى الفجر أذن
منه بصوت نعسان و هى بتحط المخدة فوق دماغها : ماشى ماشى يا ماما اول ما اقوم هصلى مش قادرة
تقف الام ع الباب تدعى لمنه و تقفل الباب و تخرج
الساعه 10 الصبح .. باقى من العُمر 18 ساعه ...
صحيت منه ع صوت المنبه بصت فيه بزُعر و قامت منفوضه من مكانها
منه : اتأخرت ع محمد و ايه ياربناااااااااااااااا
صحيت منه كلمت ايه و قالتلها تستناها
آيه : طيب الساعه 12 بالظبط هنبقى ع اول شارعك ع مهلك بقى
منه : اتخضيت اوف ماشى كدا بيس طيرى انتى و انا هجهز اهو
قامت منه من النوم حطت الهاند فرى فى ودنها وقفت قدام المرايه ظبطت شعرها
و اختارت لبسها و دخلت تاخد شاور
طلعت منه لبست طرحتها و الطقم الى اختارته و شغلت موبيلها من تانى
دخلت ع مامتها
منه : ماما عاوزة فلوس عشان نازله ..
الام : ايه دا انتى حاطه ريحه
منه بتنفخ : اة يا ماما فيها ايه !!
الام : يبنتى حرام دا كدا فى مقام الزنا و العياذ بالله
منه : يعنى اخرج ازاى منغير برفيوم ماما الله يباركلك هاتى الفلوس عشان اتأخرت
ام منه زى اى ام بتخاف على زعل بنتها و مش عايزة تغصبها ع حاجه " للأسف "
دخلت الام جابت فلوس لمنه
آذآن الظهر يأذن ،، تبص الام لمنه : تعالى نصلى قبل ما تنزلى
منه باست مامتها بسرعه : لا منا هصلى مع ايه جماعه سلام يا حبى
نزلت منه و قابلت محمد و ايه و خرجو
السآعه 3 العصر باقى من العمر 13 ساعه ...
محمد و ايه و منه قاعدين فى النادى مع اصحابهم " قاعدة مختلطه "
يأذن العصر .. تقوم بننت منهم " انا هروح أصلى و اجى "
منه بأسلوب استهزاء لايه : ههههه حبكت يا شيخه هدير دلوقتى الصلاة !
ايه : سبيها يبنتى بتحب تمثل
تضرب منه على كف ايه و يكملو بقيه هزارهم
خدتهم القعدة لبعد المغرب ... الساعه 6 باقى من العُمر 10 ساعات
موبيل منه يرن ....
منه : حاضر يا ماما هو انا طفله طيب طيب جايه .. سلام
منه : معلش يا جماعه لازم امشى دلوقتى امى عاوزانى
ايه : ماما يا حبيبتى انتى صغيرة ولا ايه
منه : خلاص بقى يا ايه ... !
سلام يا جماعه
كلهم ... سلام
خرجت منه برة النادى و بتدور ع تاكسى ... و المعاكسات تجيلها من كل ناحيه و على كل المسامع
منه مبسوطه بشكلها و انها بتتعاكس ... شايفه انها احلى بنات الكون
وقفت منه التاكسى فعلا و حطت كالعادة السماعات فى ودنها و سندت راسها ع الازاز لحد ما توصل
لكــــــــــــــــــــــــــــــــــــــــــــــــ ــن فاقت منه و السواق بيصرخ و هو مش عارف يوقف العربيه و الفرامل سايبه و اتقاطكع مع عربيه نص نقل ع الطريق
الناس .... لا حول ولا قوة الا بالله اطلبو الاسعاف ....
فى الاسعاف منه روحها بتروح ... منه فى الاساس روحها بتتعذب
منه بتعيد يوومها
الفجـر .. منه : بس الواد امووور اووى
ايه : ها ايه رأيك
منه : انا موافقه بس بتقل عليه
ايه : يا جاااااااامد ..
منه : الفجر بيأذن
ايه : طب انا هروح اصلى
منه : هههه ماشى يا ست الشيخه
منه من جواها : فيها ايه اما اقوم اصلى و اجرب ؟
دا الفجر و ناس كتير بتحب تصلى فيه ... بس انا مش قادرة انا الحق اروح انام عشان بكرة ووعد بكرة هصلى الفجر ...
روح منه بتترجاها : قوووومى صلى انهردة اخر يوم ليكى قووومى يا منه متعذبنيييييييييش معاكى !!
موبيل منه بيرن ، روح منه : لالالا متروديش ارجوووووووووووووكى يا منه متروديش
ردت منه ع الموبايل و روحها بتبكى ع كل ذنب و ع الصلاة الى فوتتها
صحيت منه اتخضت ع معادها مع صحابها لكن متخضضتش ع صلاتها
روح منه : ارجووكى قومى بقى صلى .. منه تمسك موبيلها روحها تصرخ : متشغليش اغانى ارجووكى بلاش موسيقى لالالا ارجووووووووووووووكى !!
شغلت منه اغانى و روحها بتصرخ و تبكى و تتعذب اكتر
وقفت منه قدام دولابها و هى بتختار " بنطلون " و بضى (( اصل كل الناس بتلبس كدا مجتش عليا ))
خرجت منه من الشاور و لبست البنطلون و البضى الضيقين و الى مبينين جسمها
و لبست الطرحه الى تقريبا " مالهاش لازمه " !
روحها : ارجوكى كفايه لبسك بلاش تتعطرى يا منه حرام عليكى كفايه تعذيب فيا
حطت منه العطر و روحها تصرخ ...
روح منه اترجتها متعاملش امها وحش .. روح منه اترجتها انها تقوم تصلى فرض واحد
روح منه اترجتها متقعدش فى قعدات مختلطه !
روح منه اترجتها متكلمش ولاد !
روح منه اترجتها متبعتش اغانى لحد و تفضل فى ميزان سيئاتها حتى بعد ممتها
روح منه اترجتها فى الوقت الوحيد الى كانت بتصلى فيه انها تطول بس فى السجود و تدعى ربنا يرحمها اكتر
روح منه بتتفرج ع صحاب منه فى النادى و هما قاعدين بيضحكو و بينمو ..
بتتندم ع ان منه مختارتش الصحاب الى يدعولها حتى باالرحمه !
الساعه 3 الفجر باقى من العمر 10 دقايق ...
روح منه بتروح قلب منه بطّل يدق خلاص روحها طلعت لربنا
ام منه هى الوحييدة الى قاعدة جنبها و الوحيدة الى قلبها محروووق عليها
روح منه طالعه بتبكى من الى هتلقاة و من مصيرها الى هى عارفاه
روح منه اترجت منه تتعيش بس يوم لله ،، لكن منه كانت كل يوم تقول " بكرة "
و بكرة ما طلعش يوم آخر على منـة .....

بردو يا فتوكه لسه نويا تكوني وحشه وانتي روحك بتتعذب كدا بسببك
منقول....

قصة مؤلمة ومعبرة جداً
ونسألُ الله الهداية لنا ولامة محمد اجمعينْ
وان يغفر لنا ذنوبها ويجنبنا ما حرمهُ الله علينا
فلا شئ يُريحُ القلب غيرُ الصلاة وقراءة القرآن : وفعلاً الواحد مو ضامن عمره ممكن الله يوخد امانته بكل دقيقة بتمر من يومك بدون ما تكون قريب فيها من ربنا

عوافي للطرح المميز

الله يرزقنا خاتمةةة حسنةة
ويقبض روحنا على طاعةةة
شكراً إلك
جوريةةة

اللهم احسن خاتمتنا

بصراحة انا ضعت بالقصة بس فهمت الحكمة بالاخر ههه

مشكورة حبيبتي للادراج

تحيااتي

روعة شكرا علي المعلومة

ممتاز يا الاء
اول مرة تقولي حاجه مفيدة يا بت