يا رب كل اللي كان كابوس بليلة ٧ اكتوبر

مر شهر وقلت يما
ما يمكن كل اللي حاصل
حلم
يمكن كابوس او
غيبوبة بعد نومتي بليلة ٧ اكتوبر
مر الشهر واللي بعده حتى وصلنا الشهر الرابع
مش يما مش لازم فقت من وعيي
اه مين ضاربني على نفوخي و مكتر من احلامي
فعلا يما
مكفي تخبيصاتي بالاحلام
مشاهد عمري ما تخيلتها
قصف و دمار و دم اطفال و تجويع
حتى البيت اللي فيه عمرة سنين تركته بحماية ربنا وان كان الدمار فيه جزئي وان كان الحرامية ما خلو اشي ...
والمنطقة اللي كانت حلوة بشوارعها وبيوتها وناسها
صارت غابة و كلها راحت
ولا اتخيلت اعيش بخيمة و البرد بياكل بجلودنا
كيف الصورة اقدرت اعيشها
وكيف خيالي سارح فيها
يما صحيني من الحلم قبل ما كل اللي حواليا
عزوتي وناسي يروحوا بعد اصحابي اللي بكيت عليهم دم
يما وقتيش ينتهي الكابوس و اصحى من غيبوبتي

كتر دعاكي يما بقيام الليل
وقولي
يا رب كل اللي كان كابوس بليلة ٧ اكتوبر

فعلياً الاشي كارثي
احنا بنحب الحياة وبنفرح بابسط اشي وبيوتنا احلى بيوت
لا ضل بيت ولا ضل شارع ولا ضل مكان
الأكل الي خجلانيين نحكي فيه موجود بأسعار خرافية
حسبي الله ونعم الوكيل فيهم

لعله خير معجب بهذا

حسبي الله ونعم الوكيل في إسرائيل والعرب وفي كل من تسبب بهالدمار والمجازر
ربنا يحميكم ويحفظكم انتم وكل اهل غزة يارب
ربنا معكم ويوقف هالابادة اليوم قبل بكرة

لعله خير معجب بهذا

الحرب بشعة
مجرد تتخيل إنه فيه ناس فقدت أهلها
فقدت بيتها
فقدت أطرافها
اللقمة ماتلقاها وإذا لقيتها ماتلقاها إلا بطلوع الروح
يخلي الواحد يتخيل حجم المعاناة والظلم الواقع على أهل غزة
مابالك أهل غزة نفسهم الله وحده يعلم كيف عايشين
والله أعلم متى ينتهي هذا الجحيم
ولو انتهى الله أعلم كم من الوقت يحتاج الناس حتى يقدروا يرجعوا للحياة بعد مادمر العدو كل شي .

لعله خير معجب بهذا

ستبقى غزة عزة الأمة العربية مهما دمروا منها كل الاشياء الجميلة
عاشت غزة أبية مرفوعة الرأس شامخة كالنخيل
تحية لا تكفي لشعبها الأصيل
تحيه لا تكفي للمقاومة الباسلة
تحية الشهداء والجرحى والأسرى
الى كل حبة تراب في غزة

لعله خير معجب بهذا