محاورة زجل بيني وبين أخي عيسى

انا الخنجر وانا السيف
انا الشتا وانا الصيف
اسئل عني في كييف
إذا بدك جوا اليابان

انا الظل وانا الفي
انا النبعه وانا المي
اسئل عني في دبي
اذا بدك في طالبان

أشعاري ما هي تقديس
لكن فيها أحاسيس
أزكى من عطر باريس
اسئل عني الفاتيكان

انا الأصل والأصول
أشعاري الأرقى ع طول
اسئل عني في حلحول
والسموع حتى كمان

انا الشِعر الأصيل
وبكتب ع البحر الطويل
اسئل عني في الخليل
اذا بدك حتى سلوان

ما بدي عنك اسئل
لأنك واحد أهبل
اريحلك عني ارحل
على حدود السودان

اسمع مني يا خيه
اذا قدمت شويه
بخطفك بالعشيه
وبتصّبح في باكستان

ابعد عني لا تقرب
انا شاعر بكهرب
اسئل عني في المغرب
اذا بدك حتى بيسان

يلي جايه تتحدى
اوعى عليي تتعدى
نَصيحه مني اتخبى
او اهرب ع كُردستان

مش انا يلي بهرب
احذر مني يا عقرب
من دمك حتى بشرب
وبسقيها أرض عُمان