من جديد .. اكتشف نفسسك

1- لا احب ان يراني الاخرين وانا عم بضعف.
2-اعشق في مرآتي انها بتخليني اكتشف قديش عم بصير إنسانة أحلى بحِكِمتي وخِبِرتي وتجربتي فكل مره بكبر فيها سنة.
3- جربت اكون صريحه مع الناس، وكرهت الإشي بأحيان كثيرة لإنه ياما صراحتي حطتني بمواقف مش كل هالقد ومرات مشاكل، ومش بس هيك، كثير ناس بعدت لمجرد كنت صريحة معون،
وخفت ان اللي صار يرجع يصير شي يوم.
4- اصعب مافي الحياة ان الناس متقدركش وتفهمك غلط.
5- حياتنا ليست ع كيفنا، مرات واقعنا بيكون قدر وحلنا ترضى،
وماضينا صفحة مطوية، ومستقبلنا، مربوط فينا، نجاحه او فشله بإيدينا إحنا، والغيب الله اعلم.
6-في وحدتي اعيش دوامة كثرة التفكير، مرات الاشي منيح لأصل لقرارات واعيد حساباتي ومرات لاء، وانتظر ان اطلع من هالدوامة.
7-في طفولتي احببت ان اكون قوية اكثر من هيك وادافع عن نفسي اكثر من هيك، وعندما كبرت وجدت إنه قديش الماضي ممكن يأثر ع الإنسان ع كبر، والحلو إنه آخرتو الإنسان بنفجر مره وحده ! كبت كبت، كبت، بصير قوي مره وحده !
8-عالمي الصغير هو بسيط وع قدي، فيه طموحاتي ولحظاتي الحلوة وأشيائي اللي بحب اعملا، والكون بالنسبة لي صراع البقاء.
9- الاخرين في عمري ليسو الا اغبياء.
اصنفهم بـ فاهمين النجاح والثقة والجمال غلط.
10-لا تنظر الي كـ ستام بنت، ولا تجبرني اني حط حد بيني وبينك، ولا تطلب مني ان اكون مثل ما انت بدك وتخسرني بالأخير، مقابل انك تعمل يللي بدك ياتو، العلاقة لمن تكون مبنيه ع التبادل بتصير فش احلى منها.

11-انتقد نفسي في اغلاطي، واعتب على الاخرين انهم قسم منون بفهموني غلط وبقدرونيش، واابى ان اثبت لنفسي قبل ما اثبت للناس، إني ناجحة من مختلف النواحي.
12- دع باب الماضي مغلق،
وافتح نافذة أمل إنك قادر تكون شخص ناجح في عمرك،
ولا تطوي صفحة تجاربك الفاشلة في كتابك،
لانك تريد ان تتنفس طعم النجاح، ولولا تجاربنا الفاشله منتحولش ومنتغيرش لأشخاص ناجحين، بعد كل تجربه منصير اقوى واذكى من قبل.


ماذا تفعل اذا واجهت كلا من
الحب بعيشه بكل نفاصيله.
الخيانة رح اتوجّع، بس بقلب صفحة.
القهر بسلم امري لربنا.
الظلام بغمض عيوني ليكون مثل هالظلام، مرات السواد راحة بالنسبة إلي، لمن بديش اشوف حدا ولمن بديش افكر بإشي.
ما الشئ الذي يجعلك
تبتسم النجاح قدام نفسي وقدام فئة من الناس !
تبكي كل اشي بيحركلي مشاعري وبقدرش اكتمون.
تخاف اغلط وبالأصح ارجع ع نفس الغلط !!!


خمر يسعد مساكي،
شكرا الك لإنك حبيتي تشوفي اجوبتي ع اسئلتك،
اول مره بشوف هيك موضوع من هالنوع،
وعفكرة هالنوع من الاسئله ممكن يعبروا عننا، ويعكسوا حياتنا الشخصيه والاشياء اللي احنا منمرق فيها بأرض الواقع،
لهيك الاجوبه بدن واقعيه وصدق اكثر من إنه تكون الاجوبة مبنية ع المجامله والمبالغه والمثاليه.
انا كنت صريحه كتير،
شكرا الك مره ثاني.

عجبتني الاسئلة
كنت هجاوب بس نسيت
هرجع اجاوب قريب
شكرا الك