سكنات الروح

صحيح اليوم الدكاتره بحكوا انه المرض بمراحله الأخيرة بس رغم كل شي الأمل لسا جواتي وما فارقني
يمكن جسمي صار أضعف بس روحي لسا بتقاوم ومتمسكة بالحياة
بعد الأيام وبعيشهم وبتعلم من كل لحظة وبتمسك بكل نفس وكأنه هدية
الأمل مش دايما شفاء بس ممكن يكون حياة
هو يلي بخليني أفتح عيوني الصبح وأشكر ربي اني لسا عايشة
أهلي كانوا دايما معي ،، بابا الله يرحمه ،، صوت ماما وحضنها ووجود أخوي جنبي هادا الأمان يلي خلاني أظل صامدة وبقاوم لحتى الآن
وما بنسى صديقاتي يلي ما تركوني للحظة
كانوا شمعة الي بليالي التعب وضحكة وسط الدموع…
علموني شو يعني الوفا وشو يعني انه الحب مش بس بكلمات،،، هو فعل، هو وجود، هو حنية
السرطان أخد مني كتير بس ما قدر ياخد مني هالعلاقات ولا هالذكريات
حتى لو كنت بنهاية الطريق… أنا مكتفية بدفا الناس يلي بحبهم وبحبوني وهادا بحد ذاته انتصار

سكون وانين ,قمر الماما ,قطر الندى ,مُبتسِم معجبون بهذا

يا أرحم الراحمين
يلي رحمتك وسعت كل شي
أنا واقفة على بابك يا رب
منهكه وتعبانه كتير والوجع مش راحمني
ضيق النفس عم يخنقني
بس أملي فيك كبير
يا الله…
انت بتعرف شو فيني حتى لو ما حكيت
بتشوف وجعي وبتحس فيني
وعارف اديه بحاول أكون متماسكة وقويه بس خلص مو قادره
يا رب خفف عني وقويني
ريح جسمي من التعب
خفف عني هالوجع يلي ما بنام ولا بهدا
وسعلي صدري وريحني من التعب والخنقه يلي بحس فيها
يا رب امنحي السكينه
ما الي غيرك ما تردني يا كريم ،يلي ما برد حدا دعاه بصدق
يا رب خلي مرضي كفارة وأجر
وما تحرمني لذة السجود بين ايديك ولا راحة البال يلي ما بتيجي الا منك
يا رب ،،
انت بس تقول للشي كن بيكون
فقل لصحتي ترجع
وقل لوجعي يروح
انا بدعيك وكلي رحاء انك ما تردني
آمين يا رب العالمين

سكون وانين ,قمر الماما ,قطر الندى ,مُبتسِم ,شمس معجبون بهذا

يعطيك الف عافيه
على الموضوع الروعه

lonely heart معجب بهذا

الحياة صايرة متل الغابة
القوي باكل الضعيف
ما بحكمها أي قانون
ما فيها لا آمان ولا راحة بال
الحياة صايرة بتخوف وبشعة كتير

مُبتسِم ,قمر الماما معجبون بهذا

يا رب توقف هالحرب
يا رب كن مع أهلنا بغزه والطف فيهم وارحمهم وسرع بالفرج عليهم
هم تعبوا ونحنا تعبنا معهم

شمس ,مُبتسِم ,قمر الماما معجبون بهذا

وبعدين،،،
ما في حد قادر يوقف هالحرب

نقاء ,مُبتسِم ,قمر الماما معجبون بهذا

يا رب خفف عنا ثقل هالايام

نقاء ,مُبتسِم ,قمر الماما معجبون بهذا

كتير أشيا حابه أحكيها بس مش قادره أعبر عنها
وحدك أنت يلي بتعرف شو جواتي
يا رب ،،،

قمر الماما ,مُبتسِم ,نقاء معجبون بهذا

لا تكره شيئا اختاره الله لك
فعلى البلاء تؤجر وعلى المرض تؤجر وعلى الفقد تؤجر وعلى الصبر تؤجر
فاللهم لك الحمد حمدا كثيرا

سكون وانين ,مُبتسِم ,قمر الماما ,شمس معجبون بهذا

الانسان إذا مر بمحنة بتضعفه مهما كان قوي
فهو بكون دايما محتاج لمين يذكره أنه الله معه وأنه رحيم ولطيف بعباده
ما بتركهم وحيدين في الأوقات الصعبة وأنه رح ينجيه من هالمحنة
لازم ما يستسلم للحزن أو ينهار
الإنسان بعرف هادا الكلام بس الابتلاء مثل بئر عميق بخلي الواحد ينسى الواقع
لهيك هو بكون بحاجه لحد يذكره ببساطة أنه مؤمن ومش يلومه لحتى يصحيه ع الحقيقة يلي نسيها بسبب شدة البلاء عليه ويذكره أن المؤمن ما تكسره وما بتهزمه الابتلاءات والمحن

سكون وانين ,قمر الماما ,مُبتسِم ,شمس معجبون بهذا