سكنات الروح

لو كنت بعرف انه الموت رح ياخد بابا مني كنت حضنته ألف مرة وكنت قلتله اني بحبه أكثر من كل العالم كله
مش عارفه امتى رح ينتهي هالوجع ولا أديه من الوقت رح أحتاج لحتى أعتاد ع غيابه
يلي بعرفه انه شوقي له ما بنتهي
بعرف يا الله انك وضعت لكل داء دواء
يا رب اجعل دواء وجعي رحمة له
واجزني بصبري بمغفرتك له
وعوضني عن هذا الفراغ يلي تركه غيابه انه تجمعنا مع الصحابة والانبياء بجنتك
يا رب انت بتعرف أديه حزينه وبتوجع ع فراق بابا
لو بحكي العمر كله عنه ما حد رح يفهم حجم الوجع يلي بحمله بقلبي
رح يضل مكانه خالي ورح يضل في دعائي دايما
يا رب اجبرني برؤيته مبتسم بجنات النعيم

يا رب اجعل قبره مضيء إلى يوم البعث

مُبتسِم ,قمر الماما ,ملاك الحب معجبون بهذا

يا رب تفرجها ع أهل غزه وتوقف هالحرب

مُبتسِم ,قمر الماما معجبون بهذا

كتير بحن للأيام يلي كنت أصحى فيها ع صوتك الحنون وكل اللحظات يلي عشتها معك
وقلبي بوجعني لما أفكر انه خسرت كل هاللحظات وما عاد ترجع مرة تانيه

قمر الماما ,مُبتسِم معجبون بهذا

يا رب رحمتك

قمر الماما ,مُبتسِم معجبون بهذا

أكتر شي تعلمته من مرضي هو التأمل
صرت أشوف الحياة بعيون مختلفة، ببطء، بعمق، وكأني لأول مرة بكتشف تفاصيلها الحقيقية
زمان كنت عايشة كأني بسباق ،، مستعجلة على كل شي،، مستعجلة على بكرا،، على الإنجاز،، على اللحظات الجاية
بس هلأ.. بمشي ع مهلي، بتأمل، بفكر بكل شي حواليي، بكل لحظة، بكل نفس، بكل تفصيلة صغيرة كنت أمر عنها بدون ما أنتبه
صرت أراقب الناس مش بس بأفعالهم ،، كمان بمشاعرهم الحقيقية،، بكلامهم يلي بين السطور، بنظراتهم يلي بتحكي أكتر من كلامهم
صرت أسمع بدل ما أرد بسرعة، وأحس بدل ما أحكم
صرت أقدر النعم يلي كنت أشوفها عادية.. ضحكة شخص بحبه، صوت العصافير الصبح، نسمة هوا باردة ، ريحة الأرض بعد المطر، حتى كوب المي البارد صرت أحس فيه وكأنه معجزة
صرت أعرف انه الحياة مش بعدد الأيام
الحياة بلحظات الوعي يلي بنعيشها، بالحب يلي بنعطيه ونستقبله
باللحظات الصادقة، بالحكي يلي بيجي من القلب
المرض أخد مني أشياء كتير، بس علمني أكتر..
علمني كيف أعيش اللحظة بصدق وكيف أشوف الجمال حتى بالأشياء البسيطة يلي ما كنت أنتبهلها
يمكن نهايتي قربت، بس كل لحظة باقيه الي صارت كنز وصارت حياة كاملة بحد ذاتها

نقاء ,قمر الماما ,مُبتسِم معجبون بهذا

حسبنا الله ونعم الوكيل
يا رب دمر اسرائيل وأمريكا وكل واحد متعاون معهم
يا رب دمر جنودهم وطائراتهم وصواريخهم وأسلحتهم فيهم
يا رب زلزل الأرض من تحتهم وفرقهم وشتتهم وازرع الفتنه بيناتهم
يا رب انتقم منهم وعذبهم أشد العذاب في الدنيا قبل الاخره
يا رب يتمنوا الموت وما يلاقوه
يا رب احرق قلوبهم متل ما حرقوا قلوبنا وقلوب أهلنا بغزة
يا رب يشوفوا ويعانوا كل شي عانوه أهلنا بغزه
يا رب انصر أهلنا بغزه وثبتهم وصبرهم واحفظهم واحميهم وألطف فيهم وارحمهم وسرع بالفرج عليهم
يا رب وحد الأمة الاسلاميه وانصرهم وارفع راية الاسلام

مُبتسِم ,قمر الماما ,نقاء معجبون بهذا

كيف الحكام يوم القيامة رح يوقفوا قدام ربنا
شافوا غزة تقصف والأطفال بتموت والبيوت بتنهار… وسكتوا وما عملوا شي
كأنهم ما شافوا ولا سمعوا
مش عارفه ،، ما عندهم ضمائر ولا إنسانية ولا أي ذرة احساس
كان بإمكانهم يعملوا كتير خاصة مصر ،، عندها المعبر وعندها القوة بس سكروه وسكتوا
ربنا العادل وحق غزة ما راح يضيع والساكت عن الظلم شريك فيه وما حدا راح يهرب من الحساب
شو هالهوان والضعف والخوف يلي عند الشعوب والأمة الإسلامية
يا رب كن مع اهلنا بغزه وكن عون لالهم وانصرهم ع الاحتلال وارفع راية الإسلام وصحي الأمة الإسلامية
يا رب رد كيد اسرائيل وأمريكا عليهم وما تحققلهم لا غاية ولا هدف
يا رب ذلهم واخزيهم

مُبتسِم معجب بهذا

غزة يا وجعنا ويا عزة وشرف الأمة
كل يوم بتعلمينا شو يعني صبر وشو يعني نوقف بوجه القهر
رغم الحصار ورغم الدمار والحرب ضليتوا واقفين و رافعين راسكم
ما في شي بكسركوا لا دمار ولا قصف ولا ظلم
كل طلعة شمس عندكم هي انتصار وكل يوم بتمروا فيه هو شهادة ع قوتكم
غزة انتي جواتنا وانتي بدعائنا
وجعكم هو وجعنا
كل شي رح يمر والوجع اله نهاية
ورح ييجي يوم وتعمروا يلي دمروه بايديكم وبقلبكم الكبير
غزة مش لحالها
قلوبنا معكم وعيونا عليكم
الله معكم ونحنا معكم
والنصر جاي ورح يرجع الحق وترجع البسمة لأهلها
الله يحميكم ويفرجها عليكم

قمر الماما ,نقاء ,مُبتسِم معجبون بهذا

ما عاد في إنسانيه ولا ضمير
حياة بحكمها قانون الغاب
الحمد لله اني مش مطوله في الحياة

قمر الماما ,مُبتسِم معجبون بهذا

يلي بنشوفه كل يوم بوجع القلب وما في كلام بوصفه وكل الحكي ما بكفي
يلي بصير أكبر من قدرة الانسان انه يتحمله
عقلي مش قادر يستوعب وقلبي موجوع ع أهلنا بغزه
قلبي عم ينكسر كل يوم وأنا بشوف يلي عم بصير
أنا بعيدة عنهم بس روحي معهم ، كل صرخة وكل دمعة وكل شهيد بحسه كأنه من أهلي
ببكي من غير ما أحس وبحس بالعجز
نفسي توقف الحرب ونفسي أضم طفل منهم وأحكيله انه نحنا معكم ، والله ما نسيناكم
حاسه أديه قلوبكم تعبانه
وجعكم وجعنا وقلوبنا دايما معكم
يا رب، يا كريم، خفف عنهم، قويهم، وارزقهم أمان ما شافوه من سنين
يا رب، خلصهم من الظالمين، من القهر، من الموت، وبدل وجعهم فرح، ونصر قريب
يا رب فرجها ع أهل غزة وانصرهم وخد حقنا من الظالمين الكفار يلي سرقوا أرضنا

قمر الماما ,مُبتسِم معجبون بهذا