سكنات الروح

سامحينا يا غزه
الكل خذلك

غزه كشفت لنا أن العالم بأكمله غابة ،، لا حريات ولا حقوق انسانية ولا قوانين
عالم تحكمه القوة والمال والجشع

تقريبا من سنة وسبع أشهر وأنا ملتزمه بالعلاج
العلاج هالفترة مكثف ونفسيتي كتير تعبانه وطول الوقت موجوعه
العلاج يلي استخدمته بالجلسات الاخيره كان قوي كتير وعملي تقرحات بجسمي ووجعها لا يحتمل
لا عارفه اكل ولا أنام ولا أحكي ،، عدا عن السخونه والقشعريره يلي ملازمتني ومناعتي الضعيفه وزوفان المعده
ما عندي طاقه أقوم من سريري
حاسه حالي مليانه طاقه سلبيه
باخد أكتر من مسكن لحتى أتغلب ع الحرقه والوجع لكن بدون فايده
نفسي أبلع ريقي بدون ما أتوجع ،، أغسل وجهي ،، أفرشي أسناني ،، أتاوب ،، أتمضمض ،، وأحكي بدون ما أتوجع
حتى المي مو قادره أشربها
مريت بفترات صعبه قبل هيك وقررت بفتره أوقف العلاج ويلي بده يصير يصير بس كرمال أهلي رجعت للعلاج مرة تانيه
المرحله الجاي رح تكون أصعب من يلي قبلها والعلاج رحلته رح تكون طويله
مستصعبه أتقبل الايام الجاي وحاسه انه بلشت أيأس
خاصة انه تأثير العلاج الكيماوي عم يكون قوي وبطول ليروح
انا باخد الجلسة يوم الخميس بضل تعبانه وموجوعه ليوم الاثنين ،، الاربعا بعمل فحوصات لحتى أرجع مرة تانيه يوم الخميس أعمل جرعة تانيه وأتعب بعدها
نفسي آخد استراحه ،، ما بقدر أكمل حياتي هيك
لما أحكي للدكتور خلينا نوقف العلاج شوي بحكيلي ما بنفع توقفي العلاج أو تاخدي استراحه لانه ما بدنا يرجع الكانسير أشرس من قبل
وانه للاسف ما في شي نعمله حاليا الا انه تضلي تاخدي الكيماوي
الحمد لله ع كل حال

صار عندي أمنيه وحده بس انه ربنا يعطيني العمر لحتى اشوف فلسطين محرره

اللهم بردًا وسلامًا على أهل غزة
‏اللهم اربط على قلوبهم وآمن روعاتهم
اللهم الطف بهم وخفف عنهم، وارحم موتاهم واشف جرحاهم

الصبر عبادة عظيمة جداً.. أن نصبر على إبتلاء لا حل له
أن نصبر على دعوة لا نعرف متى تتحقق
أن نصبر على مرض وعلى وجع لا يحتمل هو إختبار صعب جداً للنفس
قال تعالى :"وبشّر الصابرين"
اللهم بحجم صبرنا ارزقنا بفرحة تسعد قلوبنا..

يا رب تهونها ع أهل غزه وكل فلسطين وكل مصاب وجريح
وكل حد فقد حد من اهله أو فقد بيته
يا رب تخفف ع كل مريض وكل حد موجوع

مجازر... غارات.. قصف من البر والبحر والجو..
يتواصل الاجرام ليلاً نهاراً.. شهداء بالآلاف.. جثث متفحّمة.. أشلاء لأشخاص مجهولي الهويّة.. مفقودين لازالوا تحت الأنقاض..
سننتصر نعم ولكن.. من سيعيد لذلك الطفل عائلته.. وتلك الأم أبناءها..
عائلات تم مسحها من السجل.. كيفَ سننسى تلك الصرخات..
كيف سنتجاوز تلك المشاهد التي عجزت عقولنا عن إستيعابها؟!
كيف سنعود لحياتنا.. كيف؟
حقاً لا أدري

كأنها حرب عالمية تانيه
طائرات بريطانية استطلاعية للكشف عن أماكن الرهائن
بوارج أمريكية لحتى تتصدى الصواريخ اليمنية
جنود وأسلحة فرنسيين وامريكيين وبريطانيين وألمانيين
عارع كل هالقوى انه تجتمع كلها ع مجموعة من الصقور بتحاول تدافع عن أرضها
هادا العالم فقد كل معايير الاخلاق والانسانية
عالم بجمعه تاريخ واحد وهو استعمار الشعوب وقتلها
صقور غزة تتصدى لقوى العالم أجمع وتصمد بايمانها وشعبها الاعزل الذى يقتل ع مرأى من كل العالم
اللهم نصرك ،، اللهم أرهم قوتك فلقد ظلموا وبغوا

Life is too short to spend it in negativity
Live in peace and try to spread as much love as you