اسئلة خطرت ع بالى

اقتباس   المشاركة الأصلية كتبت بواسطة خَمْر أيلول الشباب .. لو طلبت منك حبيبتك او خطيبتك تحذف كل البنات يلى انت ضايفهم او طلبت حسابك الشخصي يكون معها ؟ بتوافق او بترفض مع ذكر السبب ؟ ونفس السؤال للبنات من حقها ذلك واعتقد ان الغيرة وشدة الحب هو من دفعها لذلك لكن وبصدق انا انسان احب الفتاة التي تثق بي ولا تلتفت لهذه الأمور وهذه الشكليات هنا فى جواب وضد الغيرة والحب الشديد مابيمانعو انه يكون فى ثقة مطلقة الاشي فطرى بيطلع من البنت وبدون لتحسب حساب انها مش واثقة فيه بس خلينا نقول انها بتحب تكون هيه وبس فى العالم الافتراضي والواقعى اجابات جميلةة ومنطقية ومقنعة عجبونى كتير نورت قصى

انا اتفق معك ولا غبار على ما تفضلتي
لكن هناك من تقوده الغيره للشك وهذا غير مسموح على الإطلاق
الغيرة في نطاق ما لها وما من حقها انا معه ولا اختلف عليه
لكن ان تكون هناك غيرة في اماكن لا تستحق وتكون زائدة عن الحد لدرجة الشك هذه الغيرة ستنقلب عليها وسيحدث ما لا يحمد عقباه
كل شيء يا خمر بزيد عن الحد بنقلب للضد لذلك لنكن منطقيين وعقلانيين

اقتباس   المشاركة الأصلية كتبت بواسطة قصي انا اتفق معك ولا غبار على ما تفضلتي لكن هناك من تقوده الغيره للشك وهذا غير مسموح على الإطلاق الغيرة في نطاق ما لها وما من حقها انا معه ولا اختلف عليه لكن ان تكون هناك غيرة في اماكن لا تستحق وتكون زائدة عن الحد لدرجة الشك هذه الغيرة ستنقلب عليها وسيحدث ما لا يحمد عقباه كل شيء يا خمر بزيد عن الحد بنقلب للضد لذلك لنكن منطقيين وعقلانيين

كلام دهب ومابزيد عليه حرف
شاكرة الك مرورك وردك الطيب
نورت مرة ثانية قصي

اسئلة حلوه
برجع ع رواء اجاوب عليهم
عوافي خمر

اقتباس   المشاركة الأصلية كتبت بواسطة lonely heart اسئلة حلوه برجع ع رواء اجاوب عليهم عوافي خمر

يحلى ايامك لونلي
بانتظارك اكيد

_ لاى مدى ممكن تتخلى عن كرامتك مشان حبيبك / حبيبتك ؟

ولا هالئد

_ لو اعرفت ان الانسانة يلى بتحبها مستغفلاك وبتعمل شو مابدها من وراها ظهرك ولما اكتشفت هالشي طلبت منك تسامحها وماترجع تغدر وتخون ، بتوافق ؟ ونفس السؤال للبنات ؟

لا ما بوافق وبخرج من حياته الملوثة

_ الشباب .. بتقبل حبيبتك او خطيبتك اضيف على حسابها ع الفيس بوك شباب ويعلقو عندها ؟ ونفس السؤال للبنات على العكس بس ؟

لا ما بقبل

_ الشباب .. لو طلبت منك حبيبتك او خطيبتك تحذف كل البنات يلى انت ضايفهم او طلبت حسابك الشخصي يكون معها ؟ بتوافق او بترفض مع ذكر السبب ؟
ونفس السؤال للبنات

بقبل لو هو طلب ولو هو كمان كان قدوتي وحذف كل البنات من عنده ومعي باسورده وحسابه

_ برأيكم شو الشي يلي بيخلى اى علاقة مستمرة ، وشو الشي يلي بيخلى اى علاقة تموت ؟

الاحترام والصدق وعكسهم بيموتوا العلاقة

_ كثرة الزعل والعتاب والمشاكل بين الحبيبين او الخاطبين ممكن انها تكسر المشاعر او تخفف منها ؟ ومع مرور الوقت الحب يلى كان يبدأ يموت ؟

مش تكسر المشاعر لكن تخليها باردة ويصير الزعل بيصير الزعل عالطالع والنازل
ماله قيمة ولا على شيء بيستاهل فما بيعطيني فرصة لإحترام أسباب الزعل أو تجنبها

_ ليش الشباب بشكل خاص فش عندهم قوة رفض او صد لاى بنت بتحاول تقرب منهم ( مابعمم بس الغالبية هيك )

أنا بعتبرها عدم ثقة بنفسه ولا برجولته فبيكون بده كل شوي يحس حاله مرغوب والبنات عم تتهافت عليه

_ گ شاب لو خطبت ممكن تحط بمعلوماتك اسم خطيبتك ويكون حسابها ظاهر للكل ، ونفس السؤال للبنات ؟

لا ما بحط اسمه

عوافي خمر

_ لاى مدى ممكن تتخلى عن كرامتك مشان حبيبك / حبيبتك ؟
ما بتنازل عن كرامتي لاي كان حتى لو كان هالشخص حبيبي
الكرامه اغلى شي ممكن يمتلكه اي انسان
والمفروض الشخص يلي بحبني تكون كرامتي من كرامته هادا اذا بحبني بجد

_ لو اعرفت ان الانسانة يلى بتحبها مستغفلاك وبتعمل شو مابدها من وراها ظهرك ولما اكتشفت هالشي طلبت منك تسامحها وماترجع تغدر وتخون ، بتوافق ؟ ونفس السؤال للبنات ؟
ممكن اسامح بس العلاقه عمرها ما رح ترجع متل ما كانت وما رح تستمر
لانه وقتها بكون في شي انكسر بيناتنا ومش ممكن يتصلح

_ الشباب .. بتقبل حبيبتك او خطيبتك اضيف على حسابها ع الفيس بوك شباب ويعلقو عندها ؟ ونفس السؤال للبنات على العكس بس ؟
عادي لو كانوا هالبنات زملاء لاله بالشغل او الدراسه وهم ثقه وانا بعرفهم منيح

_ الشباب .. لو طلبت منك حبيبتك او خطيبتك تحذف كل البنات يلى انت ضايفهم او طلبت حسابك الشخصي يكون معها ؟ بتوافق او بترفض مع ذكر السبب ؟
ونفس السؤال للبنات
المفروض يكون في خصوصيه ولازم اكون حريصة ع البنات يلي ضايفتهم عندي وع خصوصياتهم
والمفروض كمان يكون عنده ثقة فيني لانها اساس اي علاقة
بامكانه يشوف حسابي ويتابعه متل ما بده متله متل اي صديق ع الفيس
يعني الشياب يلي عندي هم من العائلة او زملاء دراسه وما بيني وبينهم الا كل احترام
واذا شايف تصرف مش لائق من الشباب يلي عندي بامكانه يطلب مني هالشي وانا ما رح اعارض لانه كمان
انا ما بسمح بهيك شي
بس اذا هو مو واثق فيني الله معه
_ برأيكم شو الشي يلي بيخلى اى علاقة مستمرة ، وشو الشي يلي بيخلى اى علاقة تموت ؟
التفاهم والاحترام والثقه والاهتمام والصدق والوفاء والحب ... هدول اهم الركائز لاستمرار اي علاقه
الاهمال والبرود وعدم التفاهم والمشاكل والخيانه والشك والغيره الزائده والكذب والخذلان وعدم التوافق الفكري والاجتماعي
كل هدول ممكن بخلوا العلاقه تموت مع الوقت

_ كثرة الزعل والعتاب والمشاكل بين الحبيبين او الخاطبين ممكن انها تكسر المشاعر او تخفف منها ؟ ومع مرور الوقت الحب يلى كان يبدأ يموت ؟
شي طبيعي يكون في مشاكل وزعل وعتاب باي علاقة بين اي اتنين بس هالشي ما يزيد عن حده وينقلب لجحيم لا يطاق
لانه كثرة هالشي مع الوقت رح تخلي مشاعرهم تجاه بعض تفتر وتبرد وممكن تموت هالحب يلي بيناتهم


_ ليش الشباب بشكل خاص فش عندهم قوة رفض او صد لاى بنت بتحاول تقرب منهم ( مابعمم بس الغالبية هيك )
هالشي يمكن فطره فيهم بضلوا يطلعوا للبنت الاحلى والاجمل وما بكتفوا ببنت وحده او بكونوا ضعاف قدام البنات وما بقدروا يتحكموا في حالهم
لكن هالشي ما بنطبق ع الجميع
لان الشاب يلي بحب بجد ما بطلع لوحده تانيه شو ما كان قدامه بنات

_ گ شاب لو خطبت ممكن تحط بمعلوماتك اسم خطيبتك ويكون حسابها ظاهر للكل ، ونفس السؤال للبنات ؟
اكيد عادي وما عندي مانع اعمل هالشي

عوافي خمر ع الاسئلة المميزه والواقعيه

_ لاى مدى ممكن تتخلى عن كرامتك مشان حبيبك / حبيبتك ؟
ولا لأي درجة ، الكرامة بتيجي قبل كُل شيء
ما بتخلى عنها لا لحبيب ولا لغيره ..

_ لو اعرفت ان الانسانة يلى بتحبها مستغفلاك وبتعمل شو مابدها من وراها ظهرك ولما اكتشفت هالشي طلبت منك تسامحها وماترجع تغدر وتخون ، بتوافق ؟ ونفس السؤال للبنات ؟
لا الخيانة والغدر ما بتسامح فيها ،

_ الشباب .. بتقبل حبيبتك او خطيبتك اضيف على حسابها ع الفيس بوك شباب ويعلقو عندها ؟ ونفس السؤال للبنات على العكس بس ؟
لا ما بقبل ..

_ الشباب .. لو طلبت منك حبيبتك او خطيبتك تحذف كل البنات يلى انت ضايفهم او طلبت حسابك الشخصي يكون معها ؟ بتوافق او بترفض مع ذكر السبب ؟
ونفس السؤال للبنات
طالما المفروض انه ما في داعي يكون عندي بنات ،
وان طلبتو خطيبتي عادي بعطيها اياه ..

_ برأيكم شو الشي يلي بيخلى اى علاقة مستمرة ، وشو الشي يلي بيخلى اى علاقة تموت ؟
التفاهم والاحترام انا انوجدو بتستمر واذا انعدموا بتخرب ..

_ كثرة الزعل والعتاب والمشاكل بين الحبيبين او الخاطبين ممكن انها تكسر المشاعر او تخفف منها ؟ ومع مرور الوقت الحب يلى كان يبدأ يموت ؟
اذا تراكم الزعل فوق بعضه اكيد هيموت الحب ، لازم كل زعل ننيه بوقته،
ونتأكد انه ما ترك بعده آثر حتى يستمر الحب ..

_ ليش الشباب بشكل خاص فش عندهم قوة رفض او صد لاى بنت بتحاول تقرب منهم ( مابعمم بس الغالبية هيك )
يمكن عندهم فراغ عاطفي ..

_ گ شاب لو خطبت ممكن تحط بمعلوماتك اسم خطيبتك ويكون حسابها ظاهر للكل ، ونفس السؤال للبنات ؟
ايوة بحطه عادي ولو انو مش شايف انه الفيس مرتبط بالواقع
ولا جزء من اشهار الخطوبة لأحطو ..


ويعطيكم العافيةة
والك العافية..

لفتني سؤالك
ليش الشباب بشكل خاص فش عندهم قوة رفض او صد لاى بنت بتحاول تقرب منهم ( مابعمم بس الغالبية هيك )

بنظرك الشاب بذاته رخيص
ام البنت هي اللي رخصتها حالها لتحكي مع شب