موضوع خطير

اللي بعرفه وبسمعه انه في ناس شغلتها التسول ،
لكن انت بتعطي لتأخد اجر بعيداً عن ان كانت محتاجة فعلاً او لا
هالأمر بضل بينهم وبين الله هو بحاسبهم عليه ..
ومجتمعنا مليء بالشغلات السيئة وهذه جزء منها واللي خافي اعظم

هل هناك اي مبرر لفتاة في مقتبل العمر لتجلس باحدى الطرقات تشحد المال وتٌثير شفقة الأخرين عليها
ما في اى مبرر لاي راجل ابن راجل محترم ابن محترم يخلي بنتو او اختو توصل لدرجة التسول
هل هناك ملامة على الاهل خاصة انها فتاة او ان الحاجة احيانا تدفع الناس لفعل وارتكاب ما لا يتصوره العقل وما لا يحبذه الانسان
كل اللوم ع الاب والام والناس لما تشوف صبية حلوة بتتسول زي ما في من افضالك محترمين فكرو ع قد يساعدوها ويكسبو الاجر في بيفكرو باشياء شيطانية وخصوصا مع الصبايا والاطفال المتسولين
من المسؤال عن ظاهرة انتشار التسول خاصة الفتيات
الاهالي قبل الحكومة الي لعنه الله عليها شو خلت غزة وعملت بغزة
ما هي المخاطر التي قد تقع ؟
كتير مخاطر وما الها حدود البنت هاي ممكن اى حد ابن حرام يغويها بمال او بطريقة اخرى وياخدها وين ما بدو ويوصلها لوين ما بدو
وكيف يمكن علاج هذه المشكلة وهذه الآفة الخطيرة
العلاج بيجي لمشكلة بس هاي مش مشكلة هاي مصيبة واغلب المصائب ما بصيرلها علاج لما توقع
بس حل مشاكل التسول بشكل عام اقتصاد البلد وحكوماتنا الي بتكسب فلوس زي الرز وسايبة الناس بغزة مش لاقيه الاكل
الكل حيموت وحيتحاسب ع كل شئ وللناس المحتاجة او للناس بشكل عام الاجر وللزعما الاثم انشاء الله
أحتاج ارائكم

أخيراً

هل ما قمت به من تصرف كان صائباً ام انني أوقعت نفسي في قفص الشك خاصة ان مجتمعنا لا يرحم وقد يفسر البعض ذلك على طريقته الخاصة ؟
لا انت عملت بنيتك وبقصدك خير ما في اى مشكلة من الي عملتو كتير شوفت وعملت متلك ما صار شئ
اعمل خير وانسى وربنا ما بينساك ولا بينساه


تحياتي

لا اجد مبرر للفتاة أن تتسول في هكذا وقت متأخر من الليل حتى لو كانت في حاجة
والوم الاهل في ذلك

اما عنك اخي قصي فلا شئ عليك وماقمت به هو الصواب
الاعمال بالنيات
وأما السائل فلا تنهر
انت اعطيتها لأنها سألت المساعده
والباقي بينها وبين ربها
يعطيك العافية اخي قصي.

هل هناك اي مبرر لفتاة في مقتبل العمر لتجلس باحدى الطرقات تشحد المال وتٌثير شفقة الأخرين عليها

أكيد وخصوصا بنت شو بدا تعمل يعني ،صح الواحد مو لازم يستسلم بس لو صغيرة مافي شي بإيدها خصوصا لو أن امها بتدفعا لهيك عمل
وكتير بشوفهن عنا

هل هناك ملامة على الاهل خاصة انها فتاة او ان الحاجة احيانا تدفع الناس لفعل وارتكاب ما لا يتصوره العقل وما لا يحبذه الانسان

أكيد

من المسؤال عن ظاهرة انتشار التسول خاصة الفتيات

قدرهن ..

ما هي المخاطر التي قد تقع ؟

مخاطر كثيرة ع رأسها الإغتصاب ،وحتى الامر ماصار يفرق مابين بنت أو ولد

وكيف يمكن علاج هذه المشكلة وهذه الآفة الخطيرة

الحل جد واضح المساعدة بالمال وحتى تقوية عزمهم بالكلام ع أنهم مايستسلموا والدعاء لهم أكثر شي يمكن يفيد


هل ما قمت به من تصرف كان صائباً ام انني أوقعت نفسي في قفص الشك خاصة ان مجتمعنا لا يرحم وقد يفسر البعض ذلك على طريقته الخاصة ؟

أكيد صائب
مش عارفة شو هو التفسير الي ممكن تحطه هالناس ببالها من هيك تصرّف نبيل



موضوع حساس
القدر مسبِّبه الاول والأخير
يسلمو لطرحه قصي
عوآفي ،