قد لا يكون كلامه ولكنه اجمل حقيقة مصر في ثلاث دقائق فقط

https://www.facebook.com/10001018566...6959778986875/


المذيع: بتشتكي من إيه ؟!!
المواطن : هسألك سؤال واحد بس دولة ليها برلمان وليها مؤسسات عسكرية ومؤسسات امنية داخلية وخارجية وليها 20 وزارة بالله عليك قبل ما يحصل انتخابات لرئيس الجمهورية كان عندنا سكر يكفينا وكان عندنا رز وكنا بنصدره راح فين عايزيين نفهم .. نتفرج على التليفزيون نلاقي مصر فينا .. ننزل في الشارع نلاقيها .. بنت عم الصومال .. ايه اللي حصل وإيه الحل .. الناس اللي فوق اللي رايحيين يحتفلوا ولا مؤاخذة رايحين يحتفلوا وجايبين 38 وفد اتصرف عليهم 25 مليون جنيه والمواطن الفقير مش لاقي كيلو الرز في الشارع .. هل ده يرضي ربنا ؟ !! دا ربنا يوم القيامة هيجيب الناس وهيقول اين ملوك الأرض وحكماها لمن الملك اليوم؟!.. عشان الناس اللي مش لاقية والناس التعبانة وطالعين في التليفزيون مصر بتنهض مصر بتروح ومصر بتيجي .. وعمالة تلم الفلوس في مشارع قومية مالهاش لازمة
المذيع : انت خريج إيه؟!!
المواطن : أنا خريج توكتوك سيبني بس أكمل ...
إزاي يبقى عندي لامؤاخذة بني آدم مش متعلم وجعان وصحته تعبانه وأعمله مشاريع قومية زي دي هيدخلني فيها في الحيطة .. دا أول هام .. تاني هام 3 حاجات عشان البلد تنهض .. تعليم وصحة وزراعة البلد دي لو المواطن لقى الثلاثة حاجات دول اقسملك بالله ما يقدر عليه غير ربنا .. أحنا من 100 سنة بس اليابان جأت تدرس النهضة المصرية حرام مصر يتعمل فيها كده .. بالله عليك دي مصر دي مصر .. دي مصر . دي مصر يا جدعان اللي كانت مسلفة بريطانيا .. تاني دولة في العالم عملت خط سكة حديد .. مصر اللي كان الاحتياطي النقدي بتاعها أكبر احتياطي نقدي في العام يوصل بيها الحال كده .. اللي كان تحت منها تشاد والسودان والسعودية حبة دول من الخليج بيضحكوا علينا ويتريقوا علينا .. بصوا لأدوارنا احنا بنديكم وبنعمل لكم ..
من 70 سنة كسوة الكعبة بتطلع من مصر .. هل ده يليق بمصر هل ده يليق بمكانة مصر ..
مفيش حد بيحب مصر مفيش حد قلبه على مصر يقول لأ حرام شوية تجار ضحكوا على الناس بحجة الديمقراطية والوطنية والعدالة الاجتماعية وهما بعدين كل البعد عن العدالة والديمقراطية والله ما يرضي ربنا بس أرجو منك .. بالله عليك ما تقطع حرف من اللي انا بقوله .
المذيع : هذيعلك كل كلمة قلتها ...


قد لا يكون هذا كلام سائق تكتك وقد يكون الفيديو محضر ومدروس بعنايه ولكن بالنهايه إترك النقد وخذ الحقيقه

الله يهونها على الدول العربيه

مشكور سراج ع الفيديو

نتفرج على التلفزيون نلاقي مصر فينا .. ننزل في الشارع نلاقيها .. بنت عم الصومال

جملة اوجزت كل شي بصير ف مصر
صدقت .. خريج تكتوك بمليون رآجل
تحدث بطلاقة لم يتحدث بها ولا رئيس مصري على الاطلاق
حكى كل شي نفسهم يحكوه المصريين بس كآتمين
كثير مشآريع ف مصر بتتعمل لرجآل الأعمآل و النآس الي معها فلوس
و النآس الغلابه ف دآهيه ... واذا مش عاجبهم يسيبو مصر و يطلعو
حسبي الله و نعم الوكيــل

يعطيك العافيه صمت

لأأ هو فعلاً كلامه ومش كلام مدروس ولا متحضر
لأنه واضح قوي إنه مقهور من الوضع وواضح كمان إنه متعلم
ومعاه شهادة بس زيه زي ملايين غيره مش لاقيين شغل ولا لاقيين أي حاجة في البلد
وده مش حاله لوحده ده حال البسطا والفقرا اللي طالع عينهم علشان
لقمة العيش
يعني هو اتكلم بلسان الأغلبية العظمى
وكمان الفيديو اتحذف رسمي من قناة الحياة وتامر عوف المستشار السياسي
لرئيس الوزراء سأل عن الشاب ده وعن أي معلومات عنه
الله أعلم ليه
هل علشان يقبضوا عليه ويجبروه يعترف انه إخواني أو مدفوعله علشان يشوه الصورة
ولا هيضغطوا عليه ويلقنوه أي كلام والسلام علشان يسيطروا ويجملوا صورتهم القذرة
منهم لله اللي وصلونا للوضع ده
ربنا يورينا فيهم يوم اسود ويغير حالنا للأحسن
من امبارح كنت عايزه أحط الفيديو هنا بس للأسف معرفتش
لأني ملقتش ليه لينك على اليوتيوب
شكراً جزيلاً صمت المشاعر

من الاخر

حكامنا تجار واحنا بضاعتهم ببيعو وبشترو فينا ع كيفهم

المهم يكونو حساباتهم وكروشهم مليانه

حسبي الله ع كل سياسي ما براعي الله بشعبه

حسبي الله ونعم الوكيل وبسس

يسسلمو صمت

اختصر واقع مصر وكثير دول عربية طلعت من عصر النهضة لعصر الوكسة ،
خربوها وما زالوا بخربوا وبيجي ناس تدعهم ع جهالة وغلط .
ان شاء الله بتغير الحال بالدول العربية وترجع لمجدها وعزها القديم ..

كل الحكومات بتجار ب الشباب

كل الحكومات العرببة بدها حرق

عوافي