حاشا خالِق النُّور يطفي نُورَك

في شيء رقيق جداً قرأتُه :
" الله خَلَق النُّور، وحاشا خالِق النُّور يطفي نُورَك ".

وعارِف شو يعني هالجُملة؟..
يعني حاشاه يطفي نُورَك بأملك، نُورَك بأحلامك، نُورَك بإحساسك إنّه حياتك المُستقبليَّة رح تكون مُذهلة، نُورَك بالعوض، نُورَك بشيء تمنّيته ولسّة بتتمنّاه، نُورَك بصبرك، نُورَك بإنّك ما تنخذِل مِن أي شيء.

نُورَك بدراستك، نُورَك بإنّك كافحت لتوصَل مكان بتطمحلُه، نُورَك بأهلك بأحبابك، نُورَك لمّا صبرت على شيء فوق سِعتك وطاقتك بكثير.

(وحاشا خالِق النُّور يطفي نُورَك)🤍.