خطوات تجهيز بشرتك للميك آب "

هيلوو صبآيآ ♡ شفت حالي شوي متضايقةة
فاجتني فكرة طلع الطاقة السلبية مني هو انو اعطيكم درس هيك خفيف للبشرة منو بتسلا ومنو بتسفيدو ولو ان المعلومات يمكن تكون مو جديده عليكم بس يلا بنتسلى شوي ❤️
●●●●

تعآلووْ أعلمكم كيف تجهزو بشرتكم قبل المك أب
اذا كان عندكم مناسبةة او الك للبيت
كيف تحصلو عبشره ناعمة جدا الي بدورها راح تلعب دور كبير بأساس المك اب بعد هالخطوات راح يكون ثابت ونضر اكثر وبعطي لمعه رهيبةة

●●

صبايا هالموضوع من جهدي الخاص ♥︎ وحسب خبرتي بعالم التجميل وبما اني صاحبة صالون فحبيت اعطيكم من خبرتي شوي يعني لا تخآفو بأيدي أمينةة ههههه
ف يلا نبتدي ♡

●اول شي صبايا لازم نعرف نوع بشرتنا
اذا كانت جافة.. مختلطة .. دهنبةة
ما راح فوت بتفاصيل البشرةة هلا راح نزلها بوقت كون فيه فراغ الي اقدر اشرح بتفصيل عنها
المهم بعد ما تعرفي شو نوع بشترك
بتختاري منتجات تلايم عبشرتك ولا مرة صبايا تختارو اشي ما يكون ملائم لبشرتكم لانو راح يسبب اضرار انتو بغنى عنها

اعطيكم مثال
الي بشرتها مختلطه تستخدم منتجات الي بتجي اكثر كريمي او سيروم

البشرة الجافه بلايمها المنتجات الي بتكون اكثر ع سيروم

والبشرة الدهنية المنتجات الي بتجي جافة

وصلتكم الفكرةة


هلا راح اكتبلكم الخطوات بتفصيل تمام ♥︎
لتجهيز البشرة بلزمنا
● غسول
● حلاف بنيم /حليب للبشرة بجي كريمي ابيض لونه في منو ع ازرق
● تونر
● نيقد شيمش / كريم واقي لشمس
●مرطب
● برايمر
● فكس بلاس


بهي الخطوات الي راح اشرها بتفصيل. راح تكون بشرتكم جاهزة للمك اب


●الغسول
الغسول ضروري كتير لتكون البشرة نضيفة وجاهزة لباقي الخطوات


● حلاف بنيم أو الحليب بجي مادة كريمي
هاد بتحطو على البشرة بعد الغسول بتخلو ربع ك ماسك على البشرة
حطو بطبقه باينه مش تخلو البشرة تمتصو
بعد ربع ساعه بقطنه ناعمة شيلو شوي شوي راح تنصدمو من النتيجة راح تحصلو عبشرة جدا نضرة. ولماعه وضيفتو يشيل الاوساخ مثل بقايا المك أب الغير ظهارة تمام
●التونر
التونر بجي بعد الحلاف بنيم وظيفو هو يعقم ويسكر المسام بعد ما انفتحت عن طريق الحلاف بنيم .


● نقيد شيمش او واقي الشمس
ضروي ضروي ضروي من اهم المنتجات الي لازم نستخدمها عبشرتنا لنحميها من حرارة الشمس اذا كانت طلعتنا بالنهار بليل فش داعي


● المرطب
اجينا لاهم نقطة عشان يكون مكياجك ثابت ويطول لاقصى فترة ممكنه بالعربي ما يتزحزح ههه
لازم ترطيييييب ترطيب عشان يكون شغلك حلو ونظيف رطبي لتحصلي عنتيجة واو


● البرايمر
خطوة ضرورية ليخفف من حدة المسام حتى لما تحطي المك اب ما بينوش المسام
وظيفتو الثانية بساعد على ثبات المك اب

واخر شي فكس بلاش

تعالو احكيلكم اشي عن فكس بلاش
يعني فيكم تقولو الفلتر الحقيقي ههههه حرفيا بعد الخطوات الي عملتوها
تحطو بالاخر فكس بلاش. راح يزبطلكم المك اب بيخلي طبقة وحده
رشو فكس بلاش ريحو شوي ع الوجه وبعدها حطو كرم الاساي الي هو المك اب وشوفو جمال البشرة كيف راح تكون فلتر

أهم نقطة بين كل خطوه وخطوة ريحو البشرة 5 دقايق على الاقل

هيك بنكون خلصناا وصارت بشرتنا نضرة وحيوية وجاهزة لاستقبال ابدعاتكم بتمنى كون فدتكم شوي واستنوني بدورس تانيةة ♡♡