ردة الفعل المؤجلة

لما بتعيش موقف صعب، حادث معين، ظرف بشع، فقد، لما حد بجرحك بكلمة أو سلوك أو موقف، لما بتعيش حالة إنفصال أو حتى ألم جسدي، أو بتتعرض لأي موقف مفاجىء وأكبر من توقعاتك، أو أثقل من قدرة قلبك ع إنو يتحملو

خد رد فعل مباشر، صرخ، إبكي، إحكي، اتخذ قرار، خلي ردة الفعل مباشرة، عبر عن حقيقة شعورك الحالي
ما تقاوم حاجة مشاعرك
اذا كنت بحاجة إنك تعيط ! خلي دموعك تنزل لحد ما تحس إنو وزن روحك صار اخف
إذا إحتجت تحضن حد أركض ب اتجهاهو وضمو وخبط ع صدرو بكل قوتك، لحد ما تحس التنفس صار أسهل وأسرع
إذا احتجت تعبر عن خوفك .. ما تسكت، ما تصطنع القوة
بهيك مواقف التعبير عن الخوف و الضعف ضرورة

أكثر آشي ممكن يتعبك هو إدعائك إنو ما صار اشي !
إنك منيح وإنت مش منيح !
ليش بتكذب ع حالك؟
مين حكالك الضعف والعياط والإنهيار والصراخ عيب؟
هدول أنجح وسائل بتساعدك تكون أحسن

بتعرف لما تعيش ظرف معين، وتسكت ! وتأجل ردة فعلك
وتحاول تخدر خوفك أو وجعك
شو بصير معك؟

الي بصير هو ( ردة الفعل المؤجلة )
فجأة يمكن وإنت بتاكل أو أول ما تصحى من النوم
أو وإنت بالسيارة فعلياً بدون أي سابق إنذار غالباً أو بسبب موقف تافة جدا ( رح تنفجر )
مفعول البنج الي استخدمتو لمشاعرك اختفى ! ف إستعد لأول نوبة ألم

كل المحيطين فيك بتصيبهم الدهشة ! إنو ولو شو صار
شو في ! هالموقف هاد يستدعي ردة الفعل هاي؟

هاي يا اعزاء ردة فعل مؤجلة، بسبب كتمان الشخص وتظاهرو ب إنو كلشي منيح ( سمح لمشاعرو تكبر وتتضخم لدرجة بطل قادر يتحكم فيها ف إنفجر شعورو بالصراخ أو العياط أو النوم أو الإنهيار ) .

عشان هيك مرة تانية اذا بصير معك أي إشي !
مباشرة عبر عن حقيقة مشاعرك

حتى ما تنفجر عياط وصراخ اذا فنجان القهوة برد
أو إبنك ما نيمك بالليل
أو مديرك تغيرت نبرة صوتو معك
أو مرتك زادت الملح عالطبخة
أو زوجك نسي يجيب خبز

التراكمات مهلكة .

فعلا التركمات متعبه ومهلكه

موضوع مميز
م ننحرم

اقتباس   المشاركة الأصلية كتبت بواسطة سكون وانين فعلا التركمات متعبه ومهلكه موضوع مميز م ننحرم

الله يبعد عنك التعب
حضورك المميز سكون
نورتى

أكثر آشي ممكن يتعبك هو إدعائك إنو ما صار اشي !
إنك منيح وإنت مش منيح !

صراحه انا من النوع يلي بكتم وكثرة التراكمات مع الوقت بتتعبني
بكون هاديه من برا ومن جواتي بكون بدي انفجر
هالشي بجد متعب جدا لالي
طرح واقعي وكتير منا بعاني منه
يسلمو هالديات ع الطرح الجميل

اككييد تراككماتت ممو ممنيحهه
اللهه يبععدهاا ععنكمم و الججميعع
يسسلموو خخمر ايلولل ع المموضوعع
وردهه

	السلام عليكم ورحمة الله وبركاته يسلمووووا ع الطرح القيم والجميل يعطيك الف عافية بانتظار جديدك دائما تحيتي