كلمتين، بمليون تعبير

"ماهُنت عليّي"

كلمتين، بمليون تعبير،
لما حدا يقلّك ماهان عليّي تنام زعلان، ماهان عليّي دموعك ، ماهان عليّي آكل الأكلة الي بتحبها بدونك ف اتذكرتك وخطر عبالي ناكلها سوا، ماهان عليّي روح المشوار الفلاني لأنه مارح يكون الو طعم بدونك، ماهان عليّي تنأذى وتنجرح أو تحس انك مقهور ف جيت بررلك حتى لو ما بدك تقتنع


اختاروا الناس الي مابتهونوا عليهم، اللي حتى لو تخلّوا عنكم مابيهون عليهم يجرحوكم ولو بكلمة، وما بتهون دموعكم ع عيونهم وقت يلمحوها، ولو حتّى نظرة الزعل الي فيها مابتهون !

اختاروا اللي بيطمنوا قلوبكم بكلمة " انا هون" الكلمة الي رح تخليك تحس انه الك ملجأ قادر يوسعك وقت تضيق الدنيا عليك وماتلاقي جنبك حدا.

اختاروا اللي دايماً مهما صار بينكم "ماتهونوا ابدا عليهم" 💜

ماتهونوا ابدا عليهم

ههدولل همم ججنةة الناا
يسسسلموو دياتكك ممؤمنن
وردهه

كتير حلو الكلام وبسيط
وكتير هالأفعال بتفرق
ومتل هدول الناس ما بينتركوا ابداً
وكمان ما بيهونوا
يسلمو قلب فلسطيني

فعلا مرات بكون في كلمه عن مليون كلمه
شكرا للنقل ال بجنن مؤمن
م ننحرم

يما شو هالحكي
طيب من وينلنا هالناس اللي ما بهون عليهم زعلنا ولا تعبنا
الله يبعتلنا متلهم

يمكن تضحكوا بس بجد لما قرأت العنوآن دمعوا عيوني
تذكرت كتييير نآس و موآقف يآ الله

كتير شكراً مؤمن
تحيآتي

فعلاا ما في اجمل من الاشخاص اللي ما بنهون عليهم بحياتنا
ما بهون عليهم لا زعلنا ولاا قهرتنا وشغلاات كثيرة
يعطيك العافية لادراجك القيم ..

ما أحلى هالحكي
أحسنتَ النشر مؤمن
شكرًا لك