شوية حكي

أنا مو دايماً رح كون شخص قوي ، ولا دايماً رح أخد كل شي ببساطة ، مو دايماً رح كون متفائلة ، ولا دايماً رح أقدر ما أزعل ع مواقف بتدايق ، مو دايماً رح كون ثابتة .. أو صامدة .. أو متساهلة ..
مو دايماً رح يكون عندي شي أعطيه ، أحياناً الحكي بيكون تقيل عليي .. و أحياناً بتكون طاقتي صفر ..
مو دايماً مفيدة ، ولا دايماً لطيفة .. كل الفكرة إني بحاول كون انسانة منيحة .. بس أنا مو مثالية .. أنا عم حاول .. و رح ضل واجه بهالدنيا لحتى كون عند حسن ظن أي إنسان فيي ..
بس اتعامل معي ع إني بشر ..
مو ملاك ..