غزة ماشية بالشقلوب

#مخنوق على حال الشاب الي بصير عمره 27 سنة ولمن تحكيله وقتيش ناوي تتزوج ويطلع فيك ويبتسم بحرقة مع تنهيدة ويقلك ربنا يفرجها .

على الأب وهو بحكي لابنه روح اشتغل طب يا حج منتا شايف الوضع كيف يروح يسرق ولا يتاجر في المخدرات عشان تنبسط !..
على الأم لمن جارتها تسئلها وكتيش ناوية تزوجي الولد تتنهد مع كمية وجع وترد ربك يفرجها وازوجو احسن بنت..

على اصحاب البسطات وهم في عز الشمس وعرقه بينزل عشان 10 شيكل يروح يجيب اكل لاطفاله او دواء لزوجتة وفي الاخر البلدية بتلاحقه من مكان
لمكان لمكان
على الشب الي بضله نايم للمغرب شارد من الواقع ومن اهله عشان مايسمع اسطوانة كل يوم "الي مثلك عنده شغل ومتجوز وعنده اولاد قدك"

على حال 90% من الشباب وهو مروح عل بيته معوش ثمن المواصلات باختصار عنا حكومتين ومش قادرات يوفروا 8 ساعات كهرب بدكو يوفرولكو زواج وشغل ولو حتى ادنى مقومات الحياة .
على حال الناس الي صار اقصى امنية عندهم تيجي الكهرب عليهم 24ساعة .

على حال المواطن الي خايف يطلب ادنى مقومات الحياة حتى ما يدخل في خلافات الساسة المتعبة وما يكون متأمر بنظرهم .

على حال الخريجين الي كان طموح الواحد منهم انه يكون مهندس او دكتور او اشي مميز بالمجتمع لكن اتفاجئ بواقع تاني وصار يشتغل عسيارة اجرة .

على حال شاب ضيع سنين من حياته بالجامعة واهله دفعوا دم قلبهم عليه لحتى ياخد شهادة يتباهى فيها لكنه خزنها بالخزانة .

على حال عريس جديد فرحان بمولوده الاول لكن الفرحة مليانة خوف من مصاريف ابنه الي مش عارف كيف تيجي لكنه ببتسم وبيوكلها لربنا

الله المستعان
الحمد لله على كل حال
وحسبنا الله ونعم الوكيل
مشكور

الله يكون بالعون

يسلمووو مؤمن ع الطرح

يعطيك العافية

ربنا يفرجها ان شاء الله

|^^

الله المستعان , ربنا يصلح الحال

شكرا مؤمن

والله كلامك بيوجع يا مُؤمِنْ . .
قديش هالمعاناة موجودة بكل بيت بغزة و عايشة جواة قلوب الناس كلهم و الشباب خاصة ..
أنا كتير بدعي إنه ربنا يفرجها ونقدر نعيش بخير ،

مشكور مؤمن الله يساعدك .

ربي يصلح الاحوال ويفرج على كل مؤمن
يعطيك العافية

ربي يفرجهها ععلينا

شكرا الك اخخي

ان شاء الله ربنا بفرجها

وبتتحسن الاحوال

يعطيك العافية