كم سؤال خفاف عالماشي

*أطول مدة قضيتها بدون أهلك؟
عشر ايام
*واحد من احلام طفولتك مستمر معك حتى الآن؟
اعيش ب وطني فلسطين
*أعطينا مثال وأثبتلنا إنه حظك عاطل؟
ليكي
انا مسلمة وفلسطينية...وربي عطاني احلى عيلة بالكون
واعطاني انسان دهب وملاك...مكفيني وجوده بخير لاكون اسعد سعيدة بهالكون
وعضوة باحلى منتدى
كيف بدو يكون حظي عاطل بعد كل هالامور
ما في حد محظوظ بالكون متلي للاسباب اللي ذكرتها
والحمد لله
*ما هي أجمل هدية حصلت عليها بحياتك؟
بابا وماما واخوي حمود وبندولتي
هول اجمل هبة وهدية من ربنا
يخليهم الي ويجعل يومي قبل يومهم
*أكلة ومشروب مشهور فيه وبتبدع فيه؟
ما في حد بعمل شاي بهالعالم اطيب من شاي شهد ههههه
بعرفش اطبخ ولا طبخة

*ما هي الوجبة الخفيفة التي تفضلها عند منتصف الليل؟
ههههههههه .سندويشة زيت وزعتر
وبالشتا بحب افت الخبزة بالشاي
*ملامحك الجميلة أقرب من أمك او أبوك؟
بحكولي شبه ستي صفية الله يرحمها خنطق منطق
*ما الذي بإمكانك أن تفعله ولا يقدر على فعله الآخرون؟
ببكي كل يوم لترات دموع هههه
*هل بتشوف نفسك شخص صبور او عديم الصبر؟
صبورة
*أكثر مثل تردده وقت المشاكل؟
ما في ببالي شي حاليا
*تطبيق تواصل اجتماعي تكرهه؟
مش كره بس غير المتدى والفيس بعرفش اشي



لزيزين الاسئلة
عوافي ملوكة
كتريلنا منهم هيك مواضيع ي عسل