بداية جديدة بإذن الله.

سلام عليكم

تقريبا هالفتره والفترة الماضيه تغيرت اشيااااااااااااااااااء كثيرة بشخصيتي ونفسيتي
احس انها للافضل وبحط لكم التغيرات عشان تستفيدون وبقول كيف كنت وكيف صرت مع هالتغيير

- اول شيء كنت اصحى متاخر وم الحق اسوي شيء خاصه انا من النوع الي احب الصباح كرهت نفسي لاني صرت متبتعده عن كل شيء ف حياتي وحياتي صارت نوم وصلاه وجامعه واكل بس ابتعدت عن صديقاتي م صرت اشوف اهلي ابدا حسيت انها مو حياة قلت مروى الى متى وخلينا نغير هالشيء كل التغيرات الي صارت ف حياتي كان سببها هالتغيير

*صرت اقوم عند الساعه 3 تقريبا وقت الصلاة اصلي الصلاة في وقتها بعدين اشرب تقريبا 330 مل من الماء على الريق وبعدين اروح اسوي لي فطور صحي يساعدني ع العمل فهاليوم على ان اكون نشيطه بعدين اروح اسوي رياضه وبعد الرياضه اقعد شوي وادوش وبعدها اتجهز طبعا الحين ف الاجازة اروح اشوف لي شيء فلم مسلسل اسلي نفسي يعني صرت اعيش اليوم بكل لحظاته

-كنت مبتعده عن صديقاتي صراحه هالشيء بين لي من يالي صديقتي صدق ومن لا فاتوقع التغير كان جميل

*بقت لي وحده من صديقاتي وصدق عرفت قيمتي معها والله يخليها يارب

- كان نظام غذائي ملخبط كنت م اكل اصلا نحححححححححفت بشكل وزني صار 39 والحين 40 واحاول قدر الاماكن انه يزيد والانسان بلا اكل كيف يقدر يعيش صارت حياتي خمول في خمول م انجز اي شيء

*صرت اكل كل الوجبات الفطور الغداء العشاء بانتظام

-كنت م اشرب الماء الا قليل وعادي يوم كامل م اكون شاربه

* صرت اشرب كل يوم وهذا حل مشاكل كثيرة معي

-غرفتي في تلك الفترة في حالة موزريه والشمس م تتدخل لاني بالنهار نايمه طبعا

* صرت كل م اقوم من النوم لازم افتح الشبابيك

- المشروبات الغازية والقهوة كنت اشربهم بكثرة

* قللت واحس هالشيء اثر على صحتي كنت اغلب الوقت مريضه ودوم ع المشفى بس الحمدلله تغيرت

-حياتي طبعا كانت غير منظمه
*اشتريت كتاب

نفس هذا وكنت قبل لا انام اكتب كل الاشياء الي بسويهن بكرا وبعد نهايه اليوم قبل لا انام اشوف شو انجزت بهاليوم وهل المهام الي كتبتهم سويتهم كلهم ولا لا اذا سويتهم اسوي تك جمب الشيء الي كتبته

-كنت انام متاخخخخخخخخخخر واقوم متاخخخخخخخر

*صرت انام الساعه 10 بالليل والحمدلله تغيرت حياتي

صدق حبيت الحياة وقاعدة احبها اكثر من هالتغيرات اتمنى تكونوا استفدتوا مني