اللهم ثبت اطفالنا ثباتا حسنا وانفع بهم الاسلام

قصة حقيقية حدثت معي ,
في يوم من ايام العشر الاواخر من رمضان كنت انا وصاحب الي في احدى شوارع غزة بنشتري ملابس من محل من هالمحلات الي بالمنطقة , بدون سابق انذار طفل صغير بنادي على صاحبي بقول عمو عمو هدولا وقعن منك قال له صاحبي مش لي قبل ما يكمل قلت للطفل هاتهن ياعمو لا النا هدول المبلغ كان 500 شيكل ورقتين 200 شيكل ورقة 100 شيكل ,
قلي صاحبي هدول الك قلتله لا والله قلي ها ايش بدك تعمل فيهن قلتله حنعلن عنهن عندي متابعين وشوية من اصدقائنا بشاركه الخبر بنصل لصحاب الفلوس , روحت ع البيت سالت شيخ قلي هدول مش من حقك بطلعن من حق الولد يتصرف فيهن مادام مش تبعونك , طب الحين كيف راح نصل للولد , رحت ع المحل وقلتلهم بدي اعلق هالورقة الشباب قالت ايش في قلتله والله لقيت فلوس وبدي اعرف لمين فجاة ولد قال 700 شيكل ياعمو قلتله لأ مش 700 ,ماتاكدت انه الولد نفسه لانه كان مر يومين والولد كان لابس نضارات الي اعطاني الفلوس بالاول , وروحت عالبيت اجاني اتصال من صاحب المحل اتحفظ عن ذكر اسمه سلام عليكم اهلا حياك الله تفضل قال الي الفلوس قلتله قديش المبلغ وايش تفاصيل الحدث كيف ضاعن قال 700 شيكل وانتا عارف بكون حاططهم بجيبتي 50 شيكل ع 100 شيكل ع 200 شيكل ووقعن مني قلتله عموما ياحج المبلغ الي حكيته مش صح المبلغ الي لقيته 500 شيكل وسلام عليكم , رن علي تاني يوم قلي الفلوس الي قلتله ياحج انا لقيت صاحبهم بس شاكك فيه ايش رايك اجيك تحلف يمين ع المصحف وتاخدهم قال لا مش مستاهلة قلتله ياحج انتا زلمة كبير حرام عليك وطفيت معاه , بعدها بيوم رن جوالي الو مين طلع الولد الي جابلي الفلوس بقلي عمو انا الي لقيت الفلوس اوعا تعطيهم لصاحب المحل الي كلمك لانه ضربني وطردني من المحل عشان اعطيتك الفلوس عشان ماقلتله عنهم , قلتله طيب ياعمو بدي اشوفك بغزة بالمكان الفلاني ورحتله وتعرفت ع الطفل عمره 12 سنة للعلم , ابوه كفيف والعيلة ع باب الله وقلي بما معناه انه احنا بنقبل الصدقة من الناس الولد بصراحة تفاجأت فيه جدا قلتله ياعمو طيب بدك الفلوس انتا قلي بالحرف ازا انتا بدك اياهن محتاجهن خدهن , قلتله ليش انتا جبتلي اياهم كان اخدتهم الك قال لا ماباخد اشي مش الي حرام انا تهيألي وقعن منك او من صاحبك , كان يفاجأني بكل ردوده علي , قلتله قديش بدك منهن 50 ولا 100 شيكل قلي تحرجنيش الي بدك اياه اعطيته 500 شيكل وقلتله هدول حقك في حال ماحدا سال عليهم ,
المفارقة يا اخوان الي كلمني صاحب محل تاجر كبير كان طمعان ب 500 شيكل مش من حقه اما طفل زي هادا عفيف شريف ماقبل ع حاله ياخد اشي مش ملكه ,
اللهم انبت اطفالنا نباتا حسنا وانفع بهم الاسلام والمسلمين .

Ayesh M Haroon