شخصيتك قيد التحليل

1/رأيك لو كانت الحياه كلها حب ومافيها كراهيه هتكون ممله / حلوة؟
ماراح تكون حلوة ولا مملة حتكون عادية
اذا كانت الحياة كلها حب بس .. فأكيد نحنا عمرنا ماعشنا في كراهية
فبتالي مش راح نحس ان يلي عيشين فيه حب
فمش راح نحس بملل ولا حنحس بحلاوتها برضو
بس عموما اكيد حتكون حياة مليئة بالسعادة والسلام والامان
2/الحب شو بيعنيلك؟
بحبش هالسؤال عموما .. الحب شغلات متناقضة داخلة فى بعض شعور حلو وجميل وقت تعيشيه كانك ملكت الدنيا وبتحس حالك ملائكي مافى شي ممكن يزعلك او يكدر خاطرك بس فى الجهة المقابلة هو وجع وممكن تتحول المشاعر الحلوة لكتلة مشاعر سلبية اذا انصدمت بالشخص يلي بتحبه او او .. بالنهاية اشي كبير صعب احطه بجملة من اربع او خمس كلمات
3/تخيل الحياه من غير جنه ونار كيف هتكون؟
بشوف ان هالسؤال المفروض ما تسأله اصلا
عموما الي بعرفه وبتمنى تكون معلوماتي صحيحة ان النار والجنة الله خلقهم قبل ممايخلق الكون فاذا مافي جنة ونار اكيد مافي كون .. والله اعلم
بس بظن .. ان الدنيا مخلوقة ليعيش بيها الانسان واعماله الي بدنيا هي الي راح تحدد اذا كان من اهل النار او من اهل الجنة
فاذا مافي جنة ونار اكيد اعمال الانسان الي بالدنيا مش راح تكون مهمة
وكمان عبادة الله .. يعني استغفر الله العظيم ماراح يكون إلها فايدة .. لأن الانسان بيعبد الله مشان يكون من اهل الجنة
فلو كان مافي جنة اصلا ماحدا راح يهتم بالعبادة .. وممكن مايكون في موت وان الدنيا هي حياتنا الأبدية
والانسان الي حيسوي خير حياخد جزائه بالدنيا والي حيسوي شر حيتعاقب بالادنيا برضو ..
عموما الله اعلم .. هالسؤال المفروض يتسأل لشيخ او عالم بالأسلام
وبتمنى ماكون حكيت شي غلط اخد ذنب عليه
4/نقطه ضعفك؟
بضعف قدام دموع أي حدا غالي علي وقدام اي طفل من أطفال الشوارع وأي رجال كبير بالسن
5/صديقك الصدوق .. مَن؟
أختي ، أخويا ، أبويا
6/الفرق بين الابتلاء والعقاب؟
الابتلاء : بيكون بالدنيا .. وهو اختبار لحال الانسان
العقاب : بيكون بالدنيا وبالاخرة وبالبرزخ .. هو جزاء علي ذنب
7/بحكم ان المنتدى متخلط بتشوف انك ممكن عادي تحكي مع عضو/ه؟
علي حسب شو السبب الي راح يخليني احكي معه
يمكن بستفسر منه علي شي بالمنتدي !
8/برأيك البنت الجريئه قليله الادب؟
لاء مش ضروري تكون اي بنت جريئة قليلة الادب بس ممكن العكس .. الجرأة ما إلها علاقة بقلة الادب
ومش غلط انه البنت تكون جريئة بالعكس شي حلو انه تثبت نفسها وبجرأتها بتخلي اي حدا تاني يحط حدود فالتعامل معها
بنظري البنت الجريئة قليلة الحيا مو قليلة الادب
9/مع/ضد لبس النقاب؟
اكيد مع بيكفي انه بيخلي اي شب يغض بصره عن البنت الي بتلبسه
10/برأيك النقاب هو الرداء الشرعي؟
لاء النقاب سُنة عن زوجات الرسول عليه الصلاة والسلام
الرداء الشرعي هو الخمار "ليضربن بخمرهن على جيوبهن"
11/الانسان ممكن تقيده عادات وتقاليد؟
اكيد لاء .. اي عادة او تقليد الانسان بيلتزم بيهم بيكون اكيد متربي عليهم وشايف ان اهله كانوا متمسكين بيهم فهو كمان اتمسك بيهم .. و اي انسان حيشوف ان في عادة او تقليد بتقيده بشغلة معينة اكد راح يتخلى عنهم وماراح يسويهم مرة تانية عموما بشوف ان مافي عادة او تقليد بتقدر تتحكم بإنسان
12/ناس ما بتحب تتعامل معها؟
الناس المنافقة ، الانانية ، المخدعة ، الباردة ، الطماعة ، قليلة الادب ، الفاشلة
13/اغلب ما يقال عنك؟
صفات كتير منهم جميلة المظهر ، هادية ، محترمة
14/صفه بتكرها في حالك؟
بحبش هالسؤال برضو وبحبش احكي عيوبي لحدا بس مش مهم يلا ..
العصبية والعند واني كثيرة الزعل وحساسة زيادة عن اللزوم
15/برأيك الشاب السبب انه يعاكس البنت ؟ ولا تياب البنت هي السبب؟
الشب فرض عليه انه يغض بصره أي كان العذر اللي قدامه ما بحلل النظر ..
"قُل لِّلْمُؤْمِنِينَ يَغُضُّوا مِنْ أَبْصَارِهِمْ وَيَحْفَظُوا فُرُوجَهُمْ "
ايش ما كانت لابسة البنت ف هادا بيشيله ذنبها واذا هو اطلع فيها وعاكسها مش هيحكي
بكرا لربنا هي كانت لابسه هيك ومغرية اضطريت اتفرج واساوي ..
والبنت المفروض تزبط حالها لكن بحدود الشرع والالتزام مش تفلتها هي وتنتظر من الشباب
كلها انها تغض بصرها !
16/تقبل ان شريك حياتك يكون معاق؟
الله اعلم
بديش سوي حالي ملاك واحكي "اه"
وبنفس الوقت بديش احكي "لاء"
حكتفي اني احط "!"
17/مالذي تبحث عنه المرأه بالرجل؟
كل مرأة بتختلف عن التانية بيلي بتبحث عنه
بس في كم صفة بحس ان اغلبهم بيبحثوا عنها متل انه يظهر اهتمامه لإلها ويقدرها ديما ويعيشها بسلام وراحة وحب وشكله الخارجي .. وسامته يعني
واحيانا بتكون بتبحث عن مصاريه وانه يحققلها الي بدها ياه وبس
18/مالذي يبحث عنه الرجل بالمرأه؟
بنظري انه بيبحث عن صدقها وأمانتها وعفويتها وذكائها وجمالها واهتمامها بيه ورومانسيتها ومرحها وعفويتها ومساندتها ودعمها لإله وهدوئها
19/ بتفضل تحكي لاصدقائك علي مغمراتك العاطفيه؟
يعني واحدة عمرها 16 سنة حيكون عندها مغامرات عاطفية !
اكيد مش ححكلهم علي مغامرات مش موجودة اصلا
20/اطفالك المستقبلين هتعيشهم بحريه ولا بتعقيد؟
بين الاتنين ماراح عقدهم بحياتهم لدرجة انهم يكرهوا حياتهم ولا بحرية زايدة عن اللزوم
21/ممكن تستغني عن كرامتك لشخص حبيته؟
طبعا لاء ! ماحدا بيستاهل اني استغنى عن كرامتي مشانه
مين ماكان ومهما كانت غلاوته عندي مش راح اسمح اني استغنى عن كرامتي لإله
22/صفات بتحب يكون الشخص اللي بتحكي معه متحلي بيها؟
الصدق ، الامانة ، الهدوء ، الثقافة ، الالتزام ، الركازة
23/بنظرك انت شخصيه معقده
لاء .. مابظن اني قبل هيك حسيت اني شخصية معقدة
24/ ماذا تعلمت من هذه الحياه؟
اشيا كتيرة ومن اهمها انه اغبى انسان الي بينسى آخرته مشان يهتم بهالدنيا الفانية
25/اذا انقبض عليك شو راح تكون التهمه؟
مفيش ولا شي غلط بسويه لينقبض علي بسببه
26/عندك مواهب؟
الرسم
27/الحب/الموسيقي/الهدوء/الجنه/الموت
شو بيعنولك؟
الحب : دعاء
الموسيقى : هدوء
الهدوء : راحة بال واستقرار للنفس
الجنة : شي بتمناه من كل قلبي
الموت : النهاية
28/امتى بتحس انك بأفضل حالاتك؟
لما بسوي الشي الي بدي ياه ولما بحقق اي نجاح في دراستي
29/واثق بحالك؟
ججدا مابثقش بحدا غير نفسي وبس
30/اكتر شي بيلفت نظرك بالجنس الاخر؟
طريقة تفكيره واخلاقه
31/هل أحبك أحد ما.. لكنك لم تبادله الشعور؟
حصل
32/كيف تنظر للجنس الاخر؟
انه السبب بوجودنا بهالدنيا
معروف انه حوا انخلقت من ضلع اعوج بآدم فلولا وجو ادم اكيد ماراح يكون في وجود لحوا
33/هل انت شخصيه كثيرة الزعل؟
اه .. ويمكن هالشغلة اكتر شي بكره بنفسي
اني من اقل شي بزعل

مشكور صهيب لإستضافتي
بإنتظار التحليل