خربيش من غير بسبب...انتي ملبوسه :d

في ناس بتصحي الصبح من النوم تلاقي جسمها في حاجات زي خرابيش كدة او حجات حمرا علي جلدها..طبعآ اول حاجة بتيجي في بال الشعب العظيم العبقري ان الشخص دا ممسوس او زي ما بيقولوا ملبوس وكل الحاجات دي..طبعآ دا وارد لان الجن وحالات المس معترف بيها اصلا لكن الطب النفسي اتطور وبدء يبحث في المجال دا ويتابع الشخصيات اللي بتعاني من الاعراض دي واكتشفوا ان اغلب الحالات ملهاش اي علاقة بالجن وكدة..لكن الموضوع ببساطة ان طبيعة الناس دي كاتومة جدآ في وجعها مش بس ساكتة لا دي بتهزر وبتضحك وتحسسك بالبهجة والفرحة وهما بيموتوا من جوة زي فكرة كدة -الكوميديان مات من الحزن- لما بيناموا بقي بيبدء عقلهم الباطن يواجهة الحقيقة والواقع ويترجم كل الطاقة السلبية اللي مخبيها الشخص عن الناس..ولأن العقل بيبقي في حالة لا واعي او غير مدرك فالذاكرة مبتستوعبش لحظات ترجمة الطاقة السلبية دي سواء انك فعلآ خربشت نفسك او انك قصدت تضرب نفسك او مع الضغط العصبي اللي بتكون في بيبدء عقلك الباطن يظهرلك الواقع بشكل ملموس اقرب الي شئ مادي وتظهر عدوانيته علي جسمك..فانت بتصحي تكتشف حجات علي جسمك غريبة وبتعافر مع نفسك علشان تفتكر اللي حصل بليل لكن مبتوصلش لحل فتختصر وتقول انا في تواصل بيني وبين العالم الاخر..لكن دا مش دايمآ صح..او اغلبه مش صح يعني..بس احنا بنكسل ندور في الحقايق..وعلشان كدة دايمآ اقول متتخدعش في الشخص اللي بيضحك كتير..ولو تعرف حد صامت اغلب الوقت وانت عارف ان صمته دا بسبب وجع حاول تخلي يتكلم..لا حاول باستماتة يعني..ربنا يهون..❤
Cpd