بتوحشني

بتوحشني
واعاتب قلبي واقسى عليه
لما بتيجي على بالي
لسه عايزها
بس خلاص ما ينفعشي
تيجي حتى على بالي
وبرغم احتياجي ليها
وروحي تايهه من يوميها
بتدور عليها
بس عقلي واقف لعند اخر يوم
ما بيمشيش ..
يصرخ كفاية
سيبوني اعيش ..
عدت هي وعايشة حياتها
واُنتم موقفيني مكاني
بتوحشكم على عيني
بس خلوها متدارية بمكانها
لو على روحي
كُنت اكلمها
واعاتبها ع الفراق
وعلى الغياب
وعلى الجروح الفاتتها فينا
انا بتوحشني ساعات الخناق
وبيوحشني صوتها واهتمامها
بس لو هتكلم هقولها ايه
ونعتب ليه
طب نعديها
ونبص لروحنا وايامنا
هو احنا مش من يومها
كان ما بينا اتفاق
هي بعدت براحتها
واحنا هنكمل
حتى لو نشتاق
بس ما نبينش
دي حاجة هتضعفنا وتكسرنا
وهي مش هتشوف
بعدت وما بتبصش وراها
انتو بصين ليه ..
حتى لو رجعت
هي مش راجعة علشانا
جاي ترضي غرورها
اني لسه في مكاني
وعايزها ..
وترجع تاني تكسرنا
وتغيب
فعايزكم تبقوا تمام قدامها
وما يبناش
انه ما بيعديش يوم وسيرتها
على بالي
وبتوحشني ..

كتابة هالسااعة ..