الحكاية باختصار

الحكاية باختصار
كنا بالاول قلبين
وثما بقينا قلب
وثما رجعنا تاني قلبين
كنا بعاد عن بعض
ثما قريبين من بعض
والحُب ملك القلب
وملك الروح ..
ثما افترقنا
وغطى السواد ع العين
ولا شوفنا مين الغلط
ولا شوفنا مين الصح
ولا جه في بالنا
ان الجروح
هطول بطريقها اتنين
وان الغياب ملعون
وان العيون هتجف
من كثر الدموع
وان الآلم هيطول
وان البكى بعد الميت
مش هيرجع فيه الروح
واننا هيتملكنا الندم بعدين
ونعدي سنين بالخوف
ونتقابل في الخيال والنوم
ونتقابل في الكلام
و نتقابل في وشوش ناس تانية
ونتقابل ما بين عتاب ولوم
ونتقابل في الذكريات
المتشبطة فينا
ونكدب ونقول نسينا
ونتقابل واحنا بندور على روحنا
ولسه بنعاند ومش عايزين
وبنضيع من حياتنا سنين
هنبكي عليها ايامنا الجاية
انا عايز بالنهاية اقول
كُنا قريبين من بعض
ثما افترقنا
وصاب قلوبنا البعد ..

كتابة هاللحظة
خاطرة بسيطة ..