أخبار_عالريق

#أخبار_عالريق 1121 يوم
✅يكتبها / #سعيد_الطويل

▪︎امتحانات وقراية وزعاق ودعاوي مش من القلب ودفاتر بتتمزع وشباشب على مستوى مرتفع ..هذه هي الأجواء هالأيام في معظم البيوت إللي فيها طلاب مدارس..والله يعينك يم نضال

▪︎ربنا ستر النصيرات من مصيبة جديدة بعد ما انفجرت نقطة غاز عشوائية تصاوب فيها رجال الدفاع المدني

▪︎بعد أيام من فقدانه ..لقيوا جثة الصياد
رامي بكر في بحر رفح..الله يرحمه

▪︎حكموا بالإعدام شنقاً على المتهم بقتل المواطن صليبا أبو نصيرة في غزة

▪︎نتنياهو ووزير دفاعه بيجعج وبيهدد واحنا بنقله كله ضراط عالبلاط يا هامل جربناك وما طلعت معنا راس

▪︎اليوم انتخابات مجلس طلبة جامعة بيرزيت والمنافسة طحن حتكون

▪︎ #أبو_فؤاد بيقنع نسيبه إللي قاعد بيقول باعوها ..انه الحرب بعد توجيهي بيومين ع طول

▪︎على ذمة #سواق_عالخط
البنات الناعمات في كل حاجة
إلا في باب سيارة ..بيخبطوه خبطة بتجيب أجله..

▪︎زلمة أردني هامل قتل مرته قدام أطفالها ب20 طعنة

▪︎16 مليار دولار وشوية مجموع مصاري الفلسطينية في البنوك

▪︎الدولار ارتفع سعره من أول وجديد ووصل 3.65 شيكل

▪︎في سيدة جوزها سايبها وبدها أغراض لمولود جديد ومستلزماتها وساكنة مع أهلها في بيت للايجار لو حد حابب
يساعدها ويجبر خاطرها

▪︎بالنسبة لتفريغات المنحة القطرية اصبروا شوي ..ان شاء الله حتنحل الأمور وتتسهل هاليومين بيقولوا خلل فني

👈🌐بخصوص النت صار يخزي الصراحة صارله فترة عند كثيير شركات بغزة وبطييء جدا..ع مسؤليتي في عرض جديد في الاتصالات مرتب جربووه هي في أول رابط ..

#يسعد_صباحكم وانتوا صاحين متوكلين على الله في كل تفاصيل يومكم ..ربنا يسهلها معاكم ويبارلكم في شغلكم ومشغوليتاكم ..

الأربعاء 24-5-2023