انا خايف بقالي سنين

انا خايف بقالي سنين
وشايف الماضي قدامي
وقلبي حزين
بيجي الليل
ومش عايزه يجيني
عشان ذكريات ياما
معادها الليل
وانا مش كافر النعمة
ولا ناكر للجميل
انا عشت معاكي احلى سنين
اليوم فيها بعمر طويل
والخطوة معاكي ميل
ومين يميل
ومعاه سند زيك
ونور العين
انا خايف
ومش قادر
اشوفك قدامي وما اسلمش
ولا اقول ان انتي وحشاني
وما اطمنش
فقوليلي
الحياة وانتي بعيدة
حلوة وسعيدة
ومرتاحة واللى بتقولي
يا ريت كملت
يا ريت ما بعدش
انا عارف ان النصيب غالب
وان احنا حاربنا وعاندنا
ومحصلش
ومن يومها وانا قافل
بيبان كتيرة في مشاعري
ما اتفتحتش
بقالنا كام ساعة ويوم بعاد
وكانوا عناد
كان عندنا طاقة
نحاول كام
ما نستسلمش
كنت احلم بحاجات كتيرة
وكان في خيالي ما بيني وبينك
حاجات كبيرة
كانت هتبقى حياتنا حياة جميلة
بس هي كان وكانت
من امتى بتريح قلوب
دي. هي يا دوب
بنطبطب بيها على روحنا
بس لو عايزين جروحنا تطيب
يبقى ينصفنا النصيب