أبوي الغالي يتصل بكْ ♡♤

حبيت افضفض الكم عن شي بجول ببالي ليل ونهار
عن شخص عنجد كلشي فيني بوجعني بس اتذكر انو راح يجي يوم وما الاقي هالانسان بحياتي
وهو● ابوي ●
ابوي الي حسه بالبيت ما بيشبه شي ما بتلاقي اشي تشبهو في
كتير اوقات بكتب عنو وبس خلص بحذف كلشي وبحكي بس هبل
بس لا بدي احكي اليوم
انا بعمري ما شفت احن من هالشخص ولا بعمري راح يمر بحياتي انسان مثله
شخص مثقف والو مركزه وهيبه كل يوم بتصل علي بحكيلي اي شي بدك ياه بس رني او اكتبي رساله انو في انسان بهالحياه بتذكرك لهدرجه وما بمل كل بوم الصبح برن علي اول ما اصحى ابوي الغالي يتصل بك شو حلو هالعاده وشو صعبه وشو مؤلمه في اليوم الي راح تغيب عنك
بخاف من اليوم الي افقد فيه حسه ولا صوته تمنيت ابوي يكون قاسي وظالم زي بعض اباء البنات حتى لما يغيب ما احن له بس ابوي حنون حنون لدرجة بس تمرق سيارته تشم ريحته تعرفو انو اليوم شميت ريحة سيارة ابوي وانا بنص العيله قاعدين بحكيلهم بشم ريحة ابوي صارو يضحكو علي وما بنشوف الا ابوي بطق ع الباب ههههه عنجد هالرجال الو طابع بقلبي ومخيلتي مش طبيعي هالانسان جدا فخوره فيه جدا بحمد الله انو ابوي واني بنته الي يمكن طلعت عيونه معي بكتير اشيا وهو ما بحكي ولا بشكي بس بنفذ وبعطي بكل حب ورغم كتير اخطاء عملتها لساتو بسامحني وبحتويني عنجد انا محظوظه كتير فيه بدعي من الله يطول من عمرو ويزيد لاضل شايلتو بعيوني وما امل منه ابوي الغالي يتصل بك بتمنى تدوم هالنعمه وما انحرمهاا ويضل يتصل بك ل اخر العمر
بصراحهه ما بعرف شو الي خلاني اكتب هالحكي بس صابني حنين ل ابوي وتاثر بصاحبتي اليوم فقدت ابوها عنجد اشي مؤثر رحيلهم من حياتنا شو موجع الاشي
بعتذر لكن حبيت افضفض عن شو بحسس