حياتي قبل منك

حياتي قبل منك
كانت سراب ..
كنت شايف كل حاجة بكآبة
خايف من اللي جاي
ولو عشت مع حد حياة جديدة
بس انتي مش اي حد
انتي اول خطوة في السعادة
كانت حياتي حيطة مايلة قبل منك
ودلوقت اتعدلت
انا كنت واخد الحياة كدبة
فترة وهتعدي
بس دلوقتي واخدها بجد
من اول مرة مسكتي ايدي
وانتي مساكاها وشادة
خدنا يوميها عهد
مهما تعدي الحياة صعبة
مش هنسيب
وهنجدف بإيدينا
لبر جديد ..
وهنسند بعض ..
واهو عدى بينا كام سنة
ولسه نفس البصة والانبهار
ونفس اللهفة لما تغيبي
ولو خيرت فيكي مليون مرة
برضه مشتريكي ..
مش هسيبك
بقيتي تجري في وريدي
ومهما قولت كلام اغاني
او قصايد شعر
مش هتكفي ليكي
صحيح مكناش نعرف بعض
ولا بينا سنين حب
ولا رسايل ود
ولا حتى التقينا صدفة
كان نصيب
لمة اهل .. وكلام في هزار
يوم وليلة
وكان القرار ..
شوفتك مرتين
وكانوا كافيين
كانوا نوكتين
ومليتي القلب
وبقيت متكيف
وبقيت متلهف
اشوفك كل يوم
ويوم بيوم
وشهر
وسنة ورا سنة
بيقنا اسرة وبيت
وبينا عشرة وولاد
وبينا حب ووداد
وكل يوم بيعدي بينا
بتزيد الغلاوة
ويزيد امتناني ان انتي جمبي
وان اعظم نعمة ربي وهبها ليا
هي انتي ..