أبي

ما يوفي ربع حقك وأنت حقك ما يهون
يايبه يا تاج راسي يا عسى عمري فداك
يا غناتي والله إنك لو تبي عيني تمون
خمسه وعشرين عام ما ترددت بعطاك
يا شبيه الغيث لا من ساقته غر المزون
ترتجيني ياعسا الله ما يخيب لك
رجاك صاين عهدت الأهك باليدين وبالمتون
الحقيقه وأنت تدري ما يعززني سواك
والسبب واضح على اللي يدركون ويفهمون
والشعر وإن كنت بمدح بالشعر هذا وذاك
إنتَ حقك فوق هامات القصايد واللحون
العفو وأستغفر الله بس أحس إنك ملاك
ساع تجلس وأتكلم يمتلي صدري سكون
وأتطمن وأملك الدنيا بجلساتي معاك
وإن تنهض عزّ طرفك تنكسر كلّ العيون
والله إني لو كثر خيري فأنا خيري ذراك
ويش أكون؟ شوفني رجال كامل بس دونك
ووش يكون العمر من دون إجتهادي في غلاك
ووش يكون العطف والرحمه بدونك
وش تكون يايبه تكفى لعاد تشيل هم في حشاك
يكفي إنك قد تجرعت الليالي والغبون
يايبه يا نور عيني شب عمري في هناك
والله إنه أبرد أمن الما على كبد الظعون
يايبه يا جعل روحي فدوه لموطى خطاك
حطني بينك وبين الوقت وكبار الطعون
يايبه يا جار كبدي أنذبح ولا أعصاك
عقب اللي قولوا وقالوا وهم ما يفعلون
العمر والنفس واللي أملكه كلّه فداك
وأعرف إنه ربع حقك وأنت حقك ما يهون

: