مش اول حد اتجرح

سنين غياب
معدتش بالساهل
ولا كانش يعدي يوم
العمر بالساهل
ومتداري
ما بين ضحكة كدابة
ووش خشب
مهواش اول قلب اتجرح
و اتساب
مهواش اول حبيب
يدي وعود
كداب
ملامح غضب
مرسومه على وشه
كل اما يروح في مكان
كانوا زمان فيه
يخاف يشوفها
لو مرة
يبان الحنين
في عينيه
ويرجع دلاب الذكريات
يدور تاني
ويفتكر انا اتخذل
من كام سنة فاتوا
كانت اول امنياته
كام مرة قام الليل يطلبها في صلاته
كام مرة كان مخنوق
عشان مقدرش يتصل
كام مرة قلبه اتكسر
عشان ما بينهم زعل
ومعرفش يراضيها
ويسيب المكان على عينيه
وملامح غضب على وشه مرسومه
ازاي افتكر بسهولة
سنين فاتت
القلب لو ملعون
كان نسي
مكانش افتكر
كأنها مقصوده
بس العقل كان فاهم
وعدى بسرعة قدامه
شربط ذكريات وجعه
اما اتخذل
اما اتكسر
ومكانش فارق
وانه رغم سنين تعب
اتفارق
انه بكل محاولاته الاخيرة
وصوت قلبه اللي اتدبح
وشدته لايده
سابه وعينه في عينيه
ولا شافش فيهم خجل
يلا مهواش اول حد اتجرح
ولا اخر حد اتساب


3/8/2022