العز_تربيه_اخلاق

كتير بنات صارو يحكو جملة "انا بنت عز الله يديملي اهلي"
ولما تطلع ع تعاملها مع الناس بتشوف قلة تربية مش طبيعية واخلاق سيئة
ترا العز مش عشان أهلك طبخولك سدر منسف عليه لحمه وبعدها اكلتو حلو وتسالي ،، ولا عشان بيوم طبشتوها ع الغدا وعملتو جاجتين محشيات ،، ولا لانو شهرين تلات اربعة ورا بعض وصيتو اكل من برا ،،
ومش عشان اشتريتي بلوزه ماركة ،، ولا عشان وضع ابوكي او اخوكي منيح وطلعلك رخصة وصرتي تسوقي سيارتو ،، ولا …..

بنت العز اللي بتعرف تتعامل مع الناس ،، اللي ما بتقلل منهم ،، اللي بس تشوف موقف قدامها بحاجة لانسانية بتعمل الحق ،، اللي بس تطلع من بيت ابوها لبيت جوزها ما تشوف كل شي هجنة وتكون شبعانة ومحترمة
بنت العز اللي وين ما دارت وجها بدعو لأهلها اللي ربوها
اللي ما بتدخل بحياة حد ،، ولا طول نهارها بتحكي عن العالم وبتعمل مشاكل وفتنه بنت العز الي مابتفضح جوزها قدام اهلها والناس اذا قصر معاها بسبب ظروفة بتسانده وبتعيش معاه ع المرة قبل الحلوة

العز مش المصاري يا جماعة ،، المصاري بتيجي وبتروح عادي وأي حد بقدر يوفرها ،، العز الاخلاق والاحترام والتربية

العز ببين ع وجه البنت ،، اللي وين ما انحطت بتفرض احترامها ع الكل بأسلوبها وتعاملها وذوقها بالحكي .. وطريقة العيشة

#العز_تربيه_اخلاق 👏🏻🤝🏻يسعد صباحكم