بدكم مصاري ولا بدكم وطن

بدكم مصاري ولا بدكم وطن

لما نشوف حال المسؤول مثل حال المواطن العادي ساعتها بنقول بدنا وطن
لكن يكون المسؤول عايش ومرفه ولا فارق معه أزمة ولا اصلاً عايش في أزمة
والأزمة بس تيجي على المواطن الفقير الغلبان
ساعتها بنقول لا، بدنا مصاري وخلي لكم الوطن اتمتعوا بخيراته وانهبوه
ووزعوا غنائمه على أولادكم وعلى حاشيتكم

كيف ممكن نتمسك بوطن مش لاقين فيه قوتنا ولا قوت عيالنا
كيف ممكن نتمسك بوطن ابسط حقوقنا مش لاقيينه فيه
كيف ممكن نخلق جيل يقدر يبني وطن ويحافظ عليه
وهو مش لاقي فيه ادنى مقومات الحياة
مش قادر لا يعيش ولا من بعده يعيش أولاده

بدكم مصاري ولا بدكم وطن
عبارة خبيثة ولئيمة
وهي مصيدة ولوي ذراع من المسؤول الي عايش عيشة مختلفة تماماً عن عيشة المواطن العادي
وبيطالبه بالصبر والسكون وبيخيره بين أمرين ما في غنى عنهم
وما المفروض يكون في تعارض بينهم

لا ،احنا بدنا مصاري ما بدنا وطن
لما نعيش في وطن مثل الي انتم عايشين فيه
ساعتها هنتمسك في الوطن
لا تطالبني اتمسك في وطن أنت مش عايش فيه اصلاً