بارك الله لكم في أولادكم

_لما تلاقي أولادك بيضحكو وبيلعبوا ويجروا ف الشقة مش لازم تقعدى تسكتيهم عشان انتى مصدعة ..خدى انتى مسكن للصداع وسيبيهم يضحكو ..الضحك اللى هيضحكوه دلوقتى يمكن مايعرفوش يضحكوه تاني لما يكبروا.
_الأطفال غالبا قبل ما تنام بتسرح والشيطان بيدخلهم بخيالات تخوفهم وتزعجهم .. النوم جنب الطفل والحضن والتقبيل قبل النوم يضيع المشكلة دى ..مش لازم تبقي انتى أمنا الغولة اللى بتطفى النور وتصرخ فيه عشان ينام 🙂
_لما الرسول يقول علموهم الصلاة لسبع يبقى من الأولى مايتعاقبش على أمور دنيوية قبل سبع...
وكلمة :ربنا هيوديك النار دى كلمة غبية بتبوظ العلاقة بين الطفل وربنا ...ما ينفعش تبقى عاوزة الولد يحبك وانتى بتكرهيه ف ربنا من غير ما تحسي.
_مش لازم يبقى ابنك نموزجى ومثالي ف كل حاجة...
يكفى تصححى عقيدته وتربطيه بمواعيد الصلاة والقرءان وهو هيشق طريقه بنجاح ان شاء الله .
_كثرة التأنيب بتعمل جرح ف العلاقة وفقد للثقة بالنفس يأثر عليه لما يكبر. قللي التأنيب قدر المستطاع.خاصة فى الأمور اللى سهل تداركها .
_الشخصيات والنفسيات بتختلف من طفل لأخوه والام الذكية اللى تعرف تتعامل وتحتوى كل ابن حسب شخصيته ونفسيته .
_اشركي أولادك فى الأحداث واتكلمى معاهم فى الواقع ..

بارك الله لكم في أولادكم وجعلهم ذرية صالحة 🧡❤️