بكرة رح يكبرو بسرعة ...

بكرى رح يكبروا بسرعة ..
ويطيروا متل العصافير.. كل واحد علي بيته
ويبقي كل همك تعملي لقمه حلوة لتجمعيهم .... ولو بس ساعه حواليكي.
وبسرعه بيرجعوا لحياتهم ويتركوكي لحالك ........ رح تفكري لمين رح تطبخي بعد ماراحوا
بتقولي ماعد في داعي للطبخة ........ كلنا اتنين أنا وأبوهم
مارح يكون في بنت رح ترجع من المدرسة وهي بتشمشم ريحه طبخك من ع الدرج وتقلك ماما ،أنا ميته من الجوع
وابنك وهو راجع من مدرسته ويركد ع المطبخ يفتح غطا الطناجر ويدوق من كل طبخة ويقلك أنا ميت من الجوع
هو العمر مشي بسرعة
كل يوم كنتي تحتاري شو تطبخي كرمال ترضيهم وترضي اذواقهم
وكنتي تتمللي لما ابنك يطلب منك أكلة معينه أو البنت تطلب طبق حلو من ايدك وتتوسلك لتعمليه
بهل الوقت بتتمني واحد منهم يطلب منك أي طبخة من أيدك لـ تجمعيهم مرة تانية حواليكي
لهل السبب :
استمتعي بوجودهم حواليكي
استمتعي بكراكيبهم.. ولعبهم يلي مبعثرة في كل مكان ومبهدله البيت
استمتعي بمزحهم وضجتهم ولعبهم اللي بتضايقك وبتجيبلك وجع راس
استمتعي قبل ما بيتك يبقي مرتب زياده عن اللزوم

قومي احضني أولادك على قد مافيكي ...... عيشي معاهم اللحظه ....... اتهني بطفولتهم.. ولمتهم حواليكي
لأنهم بيكبروا أسرع مما تتخيلي........ ريحتهم حلوة ولمتهم في البيت احلى
اليوم كل الساعات الك .......... بكره.. يادوب ممكن تلحقي ساعه من وقتهم
عيشي حياتهم ووجودهم من قلبك

💗دمتم بحب وخير وسلام💗
.