مش كُل حاجه بتضيع من أيدينا بتكون مناسبه لينا

بنت بتحكي وبتقول
إن إتقدملها شاب ، وإتخطبوا فتره وبعدين سابوا بعض ولما قعد معاها واتكلموا كان السبب إن رفضها لأنها تخينه ، وبعد فتره قررت تخس وصدفه شافها تاني واتقدملها لكن هي بنت عندها كرامه ورفضت ، بتقول من ايام بسيطه شافت اسمه في خبر محكوم عليه بالإعدام!

واحدة إتخطبت لشخص تتمناه أي بنت زي م بيقولوا لقطه ، كانت سعيدة في البداية لكن مع الوقت اتغير وزادت المشاكل ومكانتش عارفه تحل مشاكلها ازاي معاه ، لكنها استسلمت للأمر الواقع وقررت تنفصل عنه برغم أنها لسه بتحبه ، وبعد فتره عرفت من صديقه ليها أنه اتجوز و بدأ رحله العذاب من أول شهر جواز لإنه مصاب بالمرض الخبيث!

واحد بيحكي أنه كان مسافر في القطر ، واكتشف فجأه أنه نسى أوراق مهمه خاصه بشغله ، وقرر ينزل من القطر ال كان مسافر فيه قبل م يتحرك من بلده ورجع بيته ، مراته استقبلته بخوف وبكاء شديد ، ولما سألها عن السبب ، قالت إن جه ف الأخبار خبر انقلاب القطر ال كان مسافر فيه...!

الخلاصه/
مش كُل حاجه بتضيع من أيدينا بتكون مناسبه لينا ، أو هتكون سبب سعادتنا ، في حاجات لو مضاعتش هتضيعنا أحنا ، فالأحسن نسيبها تضيع ولو نصيبنا فيها وخير هاترجع ، ولو مش خير ربنا هايعوضنا بالأحسن!

"والذى لم يأتيك به الله وبَكيت عليه سَتحمد الله عليه غداً " ❤