ناي - بدر بن عبد المحسن

ناي - بدر بن عبد المحسن

في الشارع .. عتمه ونور ..

زحمه .. واشارات المرور ..

تاقف على انفاس الطريق ..

مشيت أنا .. وهمي العتيق ..

وقبل التعب .. مايهدني..

سمعت صوتٍ شدني ..

في صوتها ناي ..

غنى وجرحني الشجن ..

دقات قلبي .. وقفت..

وخطاي

قالت وش الوقت ...

ناظرت ليل اعيونها ...

وصبح الجبين ..

ومرت ثواني صمت ...

وقلت الزمان .. انت..

وكوني اللي تبين ...

من يومها ماعاد اناظر ساعتي ..

وش حاجتي .. أعد الزمان ..

وهى الزمان الجاي

بدر بن عبد المحسن