محاورة زجل بيني وبين أخي عيسى

اذا عندك القدره
اضربني هسا شفره
قبل ما يجي بكره
يا عيسى ابو الجاجات

كل شي في الدنيا بصير
صاير تحكي كلام كبير
اغضبني وعصبني كثير
يا علاء ابو البطات ههههه

هههههههههههههههههه

شو بالدنيا الي صاير
امفكر حالو شاعر
لأنه ولد شاطر
وبطل يلبس حفاظات

ههههه

كل شي في الدنيا غريب
فعلاً هالزمن عجيب
بالو عن حالو أديب
لأنه كاتب روايات

لساتك قدامي صغير
عمرك ما بتصير كبير
عاملي فيها خطير
لكنك مثل الاموات

حذرتك تبعد عني
اسمع هالكلمه مني
دخيلك لا تجنني
بفرمك اربع فرمات

شكلك بلشت تهدد
وبدك علينا تعربد
لكن أنا اللي بحدد
دفنك في هاذي الساحات

يا بو الكلمه الملغومه
اشعارك مش مفهومه
ومعانيها مسمومه
من كثر فيها كذبات

ملغومه فيها عطور
احلى من كل الزهور
جوات القلب بدور
في قلبك انتا بالذات

انا الحكمه وانا الفن
انا الدنيا والزمن
لكن قلي انتا مَن
لا تصفن اربع ساعات