قصه حقيفيه حدثة ب الاردن..

سلااام..
أنا اليوم قدمت استقالتي من أفضل مستشفيات الاردن الي صلي فيه شهرين والسبب الجلباب (سكرابي الطويل) 😁

انا الممرضة القانونية أسماء ابو جامع الحافظة لكتاب الله متخرجه من سنة من الجامعة الاردنية بكالوريوس تمريض بتقدير جيد جدا وحاصلة على دبلوم بالcupping therapy و شهادة BLS وكتير شهادات علمية وصحية وتطوعية..

بعد شهرين دوام بالمستشفى تغيرت مديرة التمريض واول م اجت اقرت بأنه الجلباب ممنوع واللبس الشرعي يصير للركبة😂

طبعا خبرني المسؤول عن الموضوع ورفضت رفض قطعي وبعد كم يوم اجت المديرة الجديده وشافتني وقالت للمسؤول هاي الي ما رضت تطبق !!
واجت قعدت تحكي معي وتقلي احنا مش اعداء الدين بس شو فرقت معك هالكم سم وانت البنت الوحيدة بالمستشفى الي اعترضت وما طبقت من المجلببات؟! وقعدت تسألني هو انت لهاي الدرجة ملتزمة؟
وانا رديت عليها بنفس السؤال انتو شو فرق معكم اني اقصر هالكم سم ؟!! وقلتلها لا مش ملتزمة بس الحمدلله حافظة للقرآن♡.

انا لبسي طبي ومراعي لقوانين ضبط العدوى وما فيه اي اشكال
لا بأذي حد بلبسي ولا بنأذي منه !

طبعا انا مش عارفة مين مفهم البشر انا بنعرفش نتحرك بالجلباب😶 ترا مستعدين نتسلق جبال ونعمل كلشي بكل راحة بلبسنا 😄محدش عليه منا ، اذا تعرقلنا محدش يساعدنا🙄..

وسالتها شو الغرض من التقصير والجواب كان "مشان نوحد الشكل ! يعني الشرعي للركبة "

المهم المديرة ما عجبها ردي وقالت معك لآخر الشهر فكري
والمسؤول قلي فكري مش حابين نخسرك انت من اشطر البنات وأأدبهم..

تاني يوم رديت خبر للمسؤول انا معنديش استعداد اقصر سم واحد وبدي اقابل مدير المستشفى اتكلم معه وضلو اسبوع ياجلو فيني واخر اشي كلمت المسؤول قلي مفش مجال وهاد اخر قرار انت فكري و كرر احنا مش حابين نخسرك انت من اشطر البنات واادبهم...

طبعا انا بالمقابلة اول اشي حكيته للمسؤولة وقتها عن لباسي انه طويل وكان ما في اي مشكلة .
واول مرة بشوف مؤسسة بتغير قوانينها بتغير شخوصها ..


المهم ، انا تركت الشغل والحمدلله (المبادئ لا تتجزأ والثوابت لا تتغير والقيم لا تباع ولا تشترى والعوض والرزق مكتوب ومعلوم عند رب العالمين)

⛔اخواتي البنات ارجوكمممم لا تتنازلوا عن حقوقكم مشان اي اشي والله ربنا عظيم وبعوض ،
بكل أمانة انا بالبداية من شدة مهاجمتهم لمبدئي حسيت اني انا الخطأ واني متخلفة ومعقدة ونفسية🤣 بس الحمدلله على تثبيت الله ..

انا مش مبسوطه اني تركت الشغل لأني كنت بحاجة لخبرة عملية مشان الدراسات العليا والكادر بالمستشفى كان لطيف ومتعاون وكنت حابة البنات كتير والراتب أعلى اشي للخريجين الجدد تقريبا بس اكيد ربنا اختار الأفضل وربنا رب الخير والجبر
وأهم ما في الأمر الأثر الطيب والمبدأ الي حاربت مشانه الي اليوم شعرت فيه بعد م خبرت الجميع عن الاستقاله واسمعت منهم كلام كتير بريح ،♡

ما رح اسامح اي حد استهزأ بلباس الجلباب وقلل من قيمته بقلوبنا والتعب النفسي الي حطوني فيه وما في اشي بعوضني ، وعند رب العالمين لقائنا لانه هاد زي الصلاة فرض علينا مش تجميلي ولا سنة اضافية . واكيد كل محاربتي مشان المبدأ وحاولت اوصل رسالتي لكل حد

*ملاحظة ما حد يقلي روحي عالمستشفى الفلاني او الفلاني بس بسمح بالجلباب لانه الجلباب فرض ع كل مسلمة ومفروض يكون مسموح بكل مكان اذا امريكا الي بتعطيهم الاعتمادية بسمحو فيها للنيرس تكون لابسة جلباب او تنورة هي حرة 🤝

كنت رح ارفع قضية عليهم عند وزارة العمل بعدين تذكرت اني بالأردن 😆 وأقل الإيمان اني اوصل رسالتي لكل الناس واطالب بحريتي الكاملة بلباسي في بلد الإسلام..💜
اللهم ثباتا ، صبرا ورضا ♡

اللهم اجعلنا من اهل الأثر الطيب الممتد وارضى عنا وارضينا يا رحيم♡

ولباس التقوى ذالك خير 💜!!

شي غريب يكون هالقرار ببلد مسلمة متل الأردن
محاربة الإسلام و الشريعة صارت بكل مكان حقيقة
اهم شي ما نتنازل عنهم لو مهما كلفنا الأمر
حسبي الله و نعم الوكيل بكل انسان بحرض على الدين الإسلامي
تحيآتي

كنا نستغرب لما يحدث هيك اشي بدوله اجنبيه
شو نحكي هلاء وهالاشي بصير ببلد عربي مسلم
والله لا تعليق الصراحه
الا انه وصلنا الوقت الي حكو عنه
القابض على دينه كالقابض على جمره من نار

كل الشكر للطرح حبيبتي سكون

يأتي على الناس زمن يظن فيه أهل الحق أنهم مجانين من شدة وقاحة أهل الباطل
الدين بدأ يحارب بكل مكان والتجاوزات بدأت في كل دولة
والمتمسك ببعض المبادئ الدينية ولاأقول جميعها يتعرض للسخرية والاستهزاء
احنا في زمن والله مخيف ، أن تصل الأيدي العلمانية الى الدول العربية أمر مخيف
والمجد لمن قال لا ، وحافظ على مبادئه ورأيه
والعوض من الله كبير ومفاجئ
من ترك شيئا لله عوضه الله بخير منه

أشكرك سكون على طرح القصة للنقاش
ودامت اختياراتك القيمة ��

عامل الها متابعة ع حسابها بتويتر
وشفت تغريداتها وشفت كمية الناس الي دعمتها
وانصدمت من هيك بصير بدولة مثل الاردن
بس بنقول حسبي الله ونعم الوكيل
شكرا الك

لو كان خوفهم من الله
كخوفهم من الغرب ومعتقداتهم
لما وصلنا لهذا الحال
حسبنا الله ونعم الوكيل
شكرا سكون ع هذا الادراج
كوني بخير وصحة دائمة

يسعدكم ع المرور

كان بأمكانك رفع شكوى للنقابة والمحكمة

فالقضاء اعاد موظفين فصلوا من اعمالهم وآخرين تم آحالاتهم الى الاستيداع وآخرين تمت احالتهم الى التقاعد بقرارات تعسفية وانصفهم واخذوا حقهم بالصاع الوافي

تباً لزمن قل فيه الوازع الديني
لا نلوم بلاد الاجانب على هيك قرارات
تحياتي وودي لك