احتجت ردة فعل ، تعليق ، اهتمام

احتجت ردة فعل ، تعليق ، اهتمام
احتجت احس انّك تبادلني الشعور

الصمت بعض احيان تقليل احترام
والاحترام اهم من كل الامور !

معك ماعاد يفيد ترديد الكلام
انت الزمن قسّاك واعماك الغرور

حبيبي القاسي ترى القسوه حرام
بكره عليك الوقت والدنيا تدور

خلاص ماعندي مشاريه وملام
الكل منّا صح .. والكل معذور

خل العتاب اللي يذكّرك الغرام
واخذ الغياب اللي ينسّيك الحضور

الليله آخر ليله تمر بـ سلام
وآخر حزن وآخر مسج وآخر ظهور !

حلو كثير الشعر
اختيارك انيق ومميز
ما ننحرم كل جديدك
وكوني بخير

قصيدة جميله وإحساسه حلو هالشاعر
راقت لي
ربي يسعدك ياقلبي

كلمات جميلة
وطرحك رائع
شكراً كثير شغف
تحياتي

ممتنه لحضوركم الرائع
كل الود