أخبار_عالريق

#أخبار_عالريق 541 يوم
✅يكتبها/سعيد الطويل
■ربك ستر ..ع وجه الفجر تسرب غاز من محطة الخزندار إللي بالسودانية بغزة ،وسكروا المنطقة والحمد لله الدفاع المدني سيطر عالوضع.
■ آخر كلام بيقولوا انه المنحة القطرية حتنصرف آخر هذا الشهر من البنوك .
■وقعت صبية من دار الكحلوت عمرها "24سنة " من الشيخ رضوان من فوق عمارتهم وتوفت .
■بنت صغيرة اسمها ديما النجيلي توفت برضه بعد ما اندهست من سيارة مبارح المغرب.
■ اصابات الكو رونا قاعدة بتزيد ومبارح لحاله العدد قلط ال500 حالة.
■بدنا نستورد الأيام الجاية فوق ال 300 طن من العنب الخليلي الزاكي .
■عادي اليهو د زي كل مرة قصفوا سوريا ولسة الأسد محتفظ بحق الرد.
■بيقلك اليوم الوزراء بدهم يحلفوا يمين جديد للحكومة الجديدة ، وطبعا معظمهم هما هما متغيروش.
■أهم حاجة انه مجدلاني ضايل زي مهوا بالوزارة لأنه بصراحة أبدع وخلي تبعون الشؤون يترخرخوا بفترته.
■بدهم يبنوا مستشفى جديد بالبريج ،الله يهنيهم ،بس للعلم لليوم رفح محطوش فيها حجر واحد بالمستشفى كله ابر بنج.
■مبارح دخل اسمنت وقزاز وألمونيوم من كرم أبو سالم لأول مرة من يوم الحرب.
■مصر مقترحة ورقة جديدة لكسر الحصار ع غزة.
■خلوا جوالاتكم فاتحة ،احتمال كبير الوزارة تتصل عليكم عشان بطالة العمل اليومي للحكومة.
■المباحث مسكت حرامية سرقوا زغاليل وعصافير وشوية طير غالي حقهم فوق ال35 ألف دولار بغزة.
■النسوان عاملات حملة جامدة عشان المدارس تضلها فاتحة ومترجعش الكتروني حتى لو قامت الحرب العالمية الثالثة.
■سلامة معروف بيأكد انه جاية حملة قوية عاللقاح والتطعيم .
■نائب ترامب بيقول انه الانسحاب الامريكي من افغانستان أكبر ذل لأميركا من 40 سنة
■المهم انه أربعة كيلو مانجا للعصير بعشرة شيكل ولو ضغطت عالزلمة بتاخذها الخمسة بس اخر النهار وهو زهقان.
■كيلو الجاج اليوم ب12 شيكل الله وكيلك
■معظم الناس قرفانة حالها وشوبانة وبتفاقع ببعض وبتقاتل بدبان وجها واهم حاجة انها مفلسة .

#صباح_الخير للناس اللي معبية هموم وغموم ،ومتدايقة ومخنوقة وبالعافية قدرت تنام هذه الليلة ،يارب على قد ما اشتدت عليهم الدنيا ،تفرج من عند ربنا وتتوسع عليهم من فوق سابع سما

#صباح_الخير لكل واحد فقد الأمل انه تتغير معه هالظروف الصعبة ،ربنا لطفه كبير وفرجه أقرب ما تتصور ..

#جمعة_مباركة وأحسن حاجة تعملها ببداية هذا اليوم تصلوا عالنبي
اللهم صل وبارك على حبيبنا محمد 🌹
20-8-2021

صباح الخير
يسلمو الامير
تحياتي

يسعد صباحك بكل خير ومسرة يارب
جمعه طيبه مباركه عليك وعلينا يارب
عليه أفضل الصلاة وأزكى التسليم
متابعة جيدة أخي
ربي يسعدك ويحفظك يارب

يعطيك العافية علي طرحك
تحياتي

يسعد مساك

مشكور ع نقل الأخبار ☆

يسسلموو الامميرر
وردهةة

يعطيك العافيه ع النقل

السلام عليكم ورحمة الله وبركاته



يسلموووا ع النشرة الاخبارية المنوعة


يعطيك الف عافية


بانتظار جديدك دائما





تحيتي