عندي رغبة

أنا لسا عندي رغبة خفية فيك
لا تصدّق كلّ كلمة بقولا ، ولا تصدّق أنّي بدي ياك تروح
أو مبسـوطة من بعدك ..
و بسأل عنك لحتّى السـؤال يتعب ،
لسا عندي شَـغف اسمع أخبارك
أو اسمع شو عملت اليوم ..
و شو أكلت .. و وين رحت
لسا عندي شَـغف بتفاصيلك
قلتلي مرّة الوقت بيقتل ..
بس ما قتلك .. خلاك بقلبي!
هذبت نفسي كلّ مَرّة فكرت فيك ،
أو قلت بعدك بتذكّرني؟
بعرف أنّه في حدا تاني هلق و مكاني تعبّى
بس أنتَ قلتلي أنّي ما بتعوض!
و اللّي بيخسـرني بيخسـر كنز!
طيب كيف أنتَ عم تخسرني هيك و تسلم قلبك لحدا تاني
بعرف أنّه قلبك عتيق .. و ما بيتبدل
و معلّق بعطُـر ما بيروح
ليش عم تتغيّر!
ماني حزينة لأنّك صرت مع حدا تاني ،
بس أنا عم انطُـر ..
سهّرت عيوني ليالي طويلة ،
و عشـت الثمنية عجاف .. و عَ أمل تجي!
ما رح قلك كيف هنّت عليك ،
بس كنت تقلي بهمّك!
و هلق؟ يعني خلص؟ ما رح تكون الأمل الصغير!
و الحُـبّ القوّي؟
قلتلي ما رح تحبّ غيري!
طيب أنتَ مبسـوط؟
طالمّا أنتَ هيك مرتاح و بسمتك عَ داير وجهك
فأنا مبسـوطة .. و دعواتي بترافقك♥️

الحب مو بالزور
الحياة مابتوقف عند حدى
احيانا الاهتمام اهانه

انتقاء رائع ملوكه
الله يبعتلك ايام حلوه
و
سنين احلى

كلمات عفوية
لكن زي ما قالت قمر الماما
اللي بهون عليه عشرتك او حبك امحيه من ذاكرتك
الحياة مستمرة وفيها المليارات من الناس
ما بتوقف على انسان واحد

سلمتي ملاك

كلام راقي حفظكم الله

اللي بتهون عليه عشرتنا وبنسانا ما بستاهل لا نتذكره ولا نستناه
ولاا حتى نفرحله لانو فرحان لانو بنى سعادته ع ع تعاستنا
يعطيك العافية لادراجك الراقي ..

اذا حبيتي روح شخص صعب تنسيه بسهوله
بيكون محفور بالقلب حتى اذا صار بعيد
وصارت له حياه ثانيه تبقي تدعيله دايما وتطمني عليه
ام الحكى الفاضي خسرنا وضيعنا من ايده
والدنيا ماتوقف على احد هو راح ف بيجي غيره كثير
كله حكي فاضي
لا ن الدنيا بتوقف عليه
ومحد يعوض مطرح حد لو شو مكان

عوافي حبي

وتستمر الحياة
أشكرك على الخاطرة المميزة
دام طرحك الجميل ⚘

	السلام عليكم ورحمة الله وبركاته يسلمووووا ع الكلمات الجميلة يعطيك الف عافية بانتظار جديدك دائما تحيتي

هذي من كتاباتك ؟؟

اقتباس   المشاركة الأصلية كتبت بواسطة قمر الماما الحب مو بالزور الحياة مابتوقف عند حدى احيانا الاهتمام اهانه انتقاء رائع ملوكه الله يبعتلك ايام حلوه و سنين احلى

كلامك صح
احيانا كتر الاهتمام اهانة للشخص المهتم