أخبار_عالريق6️⃣3️⃣0️⃣6️⃣

#أخبار_عالريق6️⃣3️⃣0️⃣6️⃣
✅يكتبها/سعيد الطويل
■الكورونا شادة حيلها شوية بغزة وعدد الحالات بزيادة اله من مبارح لهلحين.
■شكلها الداخلية حتشدد الاجراءات شوية بخانيونس وغزة اذا ضلت الأمور زي هيك.
■ مدير الطب الوقائي بغزة بيقول انه ممكن نوصل لتسكير قطاع غزة من أول وجديد اذا ضل عدد الاصابات يزيد
■ بالضفة لحالها 10 حالات وفاة و329 إصابة جديدة بالأربعة وعشرين ساعة اللي راحت.
■ستة وأربعين حالة موجودة بغرف العناية المكثفة بفلسطين من الكوورنا.
■الرجوب صرح انه اتخذنا قرار بنصير بعده ملناش بكل الاتفاقيات مع اليهود.
■ ماهر الأخرس اليوم صارله 73 يوم بيواجه الموت لحاله بالسجن، ومحدش مدور عليه ولا في مسؤول حكا بقضيته زي الخلق.
■الاحتلا.ل أفرج مبارح عن الأ.سير محمد شكري صالح البابلي عمره"49 سنة" من النصيرات بعد ما قضى17 بالسجن.
■مظاهرات طالعة نازلة ضد نتنياهو منكدين عليه عيشته.
■بعد فلسطين وقطر ..ليبيا قالت بدهاش تكون رئيسة الجامعة العربية هذه المرة.
■ توفى الشب الغلبان مبارك عثمان فؤاد محرم عمره "31 سنة " وهو بيلقط عيشه وقع من الطابق الثالث.
■الشؤون الاجتماعية بدها تقدم مساعدات طارئة للمرضى
■سلطة الطاقة وافقت على العرض اللي قدموه تبعين اتحاد المقاولين عشان يبيعوا الكهرب التجارية ب2شيكل .
■حيصرفوا مخصصات جرحى وشهد.اء مسيرات العودة اليوم بالبريد وحيكملوا صرف ال100دولار تبعت العمادي كمان.
■الصحة العالمية بتقلك فيه لسة أمل انه يوفروا لقاح لفيروس كورونا آخر السنة.
■تسعة وتسعين بالمية من حبايبنا بالجزائر بيرفضوا اعتراف بلادهم "باسرائيل" بآخر استطلاع رأي عملوه.
■برفح مسكوا تقريبا نص طن لحمة فاسدة بالسوق المركزي.
■الجها.د الاسلا..مي بيقول انه احنا بنرفض نشارك بأي انتخابات تشريعية أو رئاسية .
■ال‏وكالة الأوروبية منزلة ع موقعها انه
شهر تسعة 2020 اللي راح هو أكثر شهر كان شوب بكل العالم.
■فتحوا سوق حي الأمل بخانيونس .
■البندورة الها كم يوم سعرها زي سعر التفاح يخوي.

#صباح_الخير لطلاب الجامعات الجداد "السنافر" اللي مشفوش لسة ولا يوم حلو بالجامعة وع وجهم سكرت البلد ،ولا حضروا ولا محاضرة ولا أكلوا أندومي من قدام باب الجامعة ولا حتى طلعوا بالباص وشافوا نهفات الصبح ومقضينيها محاضرات وملازم عالنت ..بكرة بتفرج وبتفتح وبترجع تاخذ مصروفك وتجمس وتتشيكي وتروحوا عالجامعة وتكيفوا وتتصوروا كمان ان شاء الله.

#صباح_الخير لمصورين حفلات الشباب ومصورات الأفراح الجدعات وتبعون الصالات والبياعين اللي بيكونوا قدام صالة الفرح وتبع الاستريو اللي وقفت الكورونا حالهم وضربت موسمهم ..بس تفاقيد الله رحمة ..بتفرج ان شاء الله.

#صباح_الخير للدكاترة والطواقم الطبية واللي بيشتغلوا بالمختبرات اللي ماخذين القصة ع نفس واحد ومرتاحوش بشغلهم والغلطة عندهم مش زي أي غلطة ..ربنا يحفظهم ويحميهم.

#صباح_الخير لكل بياع بيحط مخافة الله بين عنيه وبيزودش بالسعر عالناس ولا بيطلع بضاعته المضروبة عشان ينفقها وبتفرقش معه تنضر الناس ولا متنضرش؛ربنا يباركله بماله وعياله.

#يسعد_صباحكم بكل الخير وراحة البال 🌸
الأربعاء 7/10/2020

رغم الأخبار السلبية
الا ان طريقة سردها فكاهي و مسلي نوعاً مل
شكراً للنقل

ممششككورةة ع الننقل ووالممتاابععةة
ععوافي
ووردهه

اللهه يععينن ههآآد الععالمم
+ سسسنةة بتخخززيي ههههه
+ وردهه

كل الشكر والتقدير

مدير الطب الوقائي بغزة بيقول انه ممكن نوصل لتسكير قطاع غزة من أول وجديد اذا ضل عدد الاصابات يزيد

عنجااااد , فاجأني هالاخ
بكفيهم كزب ع الناس لعنه الله على حماس وعلى حكومتها
عوافي

@jr7 البلد قربت تنضف من كرونآ
فتحو البلد وهمآ عآرفين إنه لو فتحت
البلد ع بعض رح تزيد الحآلآت بس هدآ
لحتى يشحدو علينآ والعمآدي يِضٌخ دولآرآته
من الآخر كرونآ هآي رزقة من عند آلله أجتهم

لن تهزُمنآ كرونآ
وبدون كمآمة
ههه

اقتباس   المشاركة الأصلية كتبت بواسطة شادي @jr7 البلد قربت تنضف من كرونآ فتحو البلد وهمآ عآرفين إنه لو فتحت البلد ع بعض رح تزيد الحآلآت بس هدآ لحتى يشحدو علينآ والعمآدي يِضٌخ دولآرآته من الآخر كرونآ هآي رزقة من عند آلله أجتهم لن تهزُمنآ كرونآ وبدون كمآمة ههه

هههه كفرة يا زلمة
قسما بالله هدول هما الفراعنه الي عنجد بيستحقو لقب الفراعنه ولعنتهم اجت على راس هالشعب المسكين
قياداتهم واولاد قياداتهم في تركيا واوروبا بيستثمرو في الاموال الي سرقوهم على ظهر هالشعب
والله منا عارف كيف بيفكرو وشو رح يقولو لربنا
الله لا يسامحهم ولا يحسن خاتمتهم الا انشالله يورجينا فيهم يوم هما وعباس ابن الواطي التاني
الله يهونها

اقتباس   المشاركة الأصلية كتبت بواسطة jr7 هههه كفرة يا زلمة قسما بالله هدول هما الفراعنه الي عنجد بيستحقو لقب الفراعنه ولعنتهم اجت على راس هالشعب المسكين قياداتهم واولاد قياداتهم في تركيا واوروبا بيستثمرو في الاموال الي سرقوهم على ظهر هالشعب والله منا عارف كيف بيفكرو وشو رح يقولو لربنا الله لا يسامحهم ولا يحسن خاتمتهم الا انشالله يورجينا فيهم يوم هما وعباس ابن الواطي التاني الله يهونها

شعب وآقع م بين حكومتين
م بعرفو آلله ولآ في قلوبهم رحمة
ربنآ يطوِل بعمرهم ويِشلهم
ويفلسهم وينتقم منهم

يسلمووو لنقل والمتابعه