ﺃﺧﺒﺎﺭ _ ﻋﺎﻟﺮﻳﻖ 125 ﻳﻜﺘﺒﻬﺎ/ﺳﻌﻴﺪ ﺍﻟﻄﻮﻳﻞ

ﺃﺧﺒﺎﺭ _ ﻋﺎﻟﺮﻳﻖ 125
ﻳﻜﺘﺒﻬﺎ/ﺳﻌﻴﺪ ﺍﻟﻄﻮﻳﻞ
■ﻷﻭﻝ ﻣﺮﺓ ﻓﻲ ﺍﻟﺘﺎﺭﻳﺦ ﺗﺘﺴﻜﺮ ﺍﻟﺠﻮﺍﻣﻊ ﻓﻲ ﺑﻼﺩﻧﺎ ﺑﺸﻜﻞ ﻛﺎﻣﻞ ،ﺭﺑﻨﺎ
ﻳﻌﺪﻱ ﻫﺎﻷﺯﻣﺔ ﻉ ﺧﻴﺮ .
■ ﻣﺒﺎﺭﺡ ﻃﻠﻊ ﺃﺳﻴﺮ ﻣﻦ ﺑﻴﺖ ﺣﺎﻧﻮﻥ ﺍﺳﻤﻪ ﺭﺍﺗﺐ ﺃﺑﻮ ﻋﻘﻞ ﺍﻟﻪ 13 ﺳﻨﺔ
ﻣﺤﺒﻮﺱ ﻋﻨﺪ ﺍﻟﻴﻬﻮﺩ ،ﻭﻭﺩﻭﻩ ﻋﺎﻟﺤﺠﺮ ﻋﻄﻮﻝ ﺑﺪﻭﻥ ﺣﺘﻰ ﻣﺎ ﻳﺴﻠﻢ ﻉ ﺃﺑﻮﻩ
ﻭﺃﻣﻪ ﻭﻟﻠﻀﺮﻭﺭﺓ ﺃﺣﻜﺎﻡ ﻃﺒﻌﺎ .
■ﻃﻠﻊ ﻛﻤﺎﻥ ﺃﺳﻴﺮ ﺛﺎﻧﻲ ﻣﻦ ﺟﻨﻴﻦ ﺑﺼﺮﺍﺣﺔ ﺍﺳﺘﻐﺮﺑﺖ ﻣﻦ ﺍﻟﻤﺸﻬﺪ
ﺍﻟﻤﺮﻓﻮﺽ ﻭﺍﻟﺰﺣﻤﺔ ﻟﻤﺎ ﺍﺳﺘﻘﺒﻠﻮﻩ ﻭﺍﻻﺳﺘﺨﻔﺎﻑ ﻭﺍﻻﺳﺘﻬﺘﺎﺭ ﺑﺎﻟﺘﻌﻠﻴﻤﺎﺕ
ﻭﺍﻟﻘﺼﺔ ﻣﺶ ﻱ ﺟﻤﺎﻋﺔ ﻣﺶ ﻋﺒﺎﻃﺔ ،ﺍﻟﻤﺮﺓ ﺯﻋﻠﻮﻧﺎ ﺭﺳﻤﻲ ﻋﺤﺎﻟﻬﻢ ﺗﺒﻌﻮﻥ
ﺟﻨﻴﻦ .
■ ﺗﻮﻓﻰ ﺍﻟﻠﻴﻠﺔ ﺍﻟﻲ ﻓﺎﺗﺖ ﺍﻷﺳﻴﺮ ﺍﻟﻤﺒﻌﺪ ﻟﻐﺰﺓ ﺳﻠﻴﻤﺎﻥ ﺃﻛﺮﻡ ﺍﻟﺴﺮﺩﻱ،
ﻋﻤﺮﻩ 50 ﺳﻨﺔ ﻭ ﻫﻮ ﻣﻦ ﻣﺪﻳﻨﺔ ﻧﺎﺑﻠﺲ ، ﻛﺎﻥ ﻣﺮﻳﺾ ﻭﺣﻴﻨﺪﻓﻦ ﺑﻌﻴﺪ ﻋﻦ
ﺃﻫﻠﻪ ﻭﺑﺪﻭﻥ ﻋﺰﺍ ﻋﺸﺎﻥ ﺍﻟﻮﺿﻊ ،ﻳﺎﺭﺏ ﻫﻮﻧﻬﺎ .
■ﺍﻟﻴﻮﻡ ﺃﻭﻝ ﻳﻮﻡ ﺑﺸﻬﺮ ﺷﻌﺒﺎﻥ .
■ ﻣﻔﺶ ﺍﻟﻴﻮﻡ ﺳﻮﻕ ﺃﺭﺑﻌﺎﺀ ﺑﺨﺎﻧﻴﻮﻧﺲ .
■ﻛﻞ ﻣﻄﺎﻋﻢ ﻭﻛﺎﻓﻴﻬﺎﺕ ﻭﺻﺎﻻﺕ ﺍﻟﻘﻄﺎﻉ ﻣﺴﻜﺮﺓ ﺍﻻ ﻟﻠﺪﻳﻠﻔﺮﻱ ﺍﻭ ﺗﺮﻭﺡ
ﺗﺸﺘﺮﻱ ﻭﺗﺮﻭﺡ ﻋﺎﻟﺪﺍﺭ .
■ﺍﻧﺘﻘﺎﺩ ﻭﻟﻴﺪ ﺍﻟﻌﻮﺽ ﻟﻠﺤﺠﺮ ﺍﻟﺼﺤﻲ ﻣﻠﻮﺵ ﺃﻱ ﻻﺯﻣﺔ ﺑﻬﻴﻚ ﻭﻗﺖ ﻭﻫﻴﻚ
ﻇﺮﻭﻑ ﻭﺍﻟﻲ ﺑﻴﻌﻤﻞ ﺍﺣﺴﻦ ﻣﻦ ﺍﻟﻲ ﺑﻴﺒﺮﻡ .
■ﺳﻼﻣﺔ ﻣﻌﺮﻭﻑ ﺑﻴﻘﻮﻝ ﺍﻧﻬﻢ ﺍﻋﻔﻮ 14 ﺳﻠﻌﺔ ﺃﺳﺎﺳﻴﺔ ﻣﻦ ﺍﻟﻀﺮﺍﺋﺐ
ﺑﺸﻜﻞ ﻛﺎﻣﻞ ﻳﻌﻨﻲ ﺍﻟﻤﻔﺮﻭﺽ ﺭﺧﺼﺖ ﺃﺳﻌﺎﺭﻫﻢ .
■ﻣﺴﻜﻮﺍ ﺷﺒﻴﻦ ﻣﺒﺎﺭﺡ ﺣﺎﻟﻮﺍ ﻳﻬﺮﺑﻮﺍ ﻭﺍﺣﺪ ﻣﺼﺎﺏ ﺑـ "ﻛﻮﺭﻭﻧﺎ " ﻣﻦ ﺍﻟﻘﺪﺱ
ﻟﻠﻀﻔﺔ .
■ﺑﻌﺪ ﻫﺎﻟﻮﺿﻊ ﺻﺮﻧﺎ ﻧﺸﺘﺎﻕ ﻟﺰﻣﻦ ﺻﻔﺎﺭﺍﺕ ﺍﻻﻧﺬﺍﺭ ﻭﺍﻟﺪﻧﺪﻧﺔ ﻭﺻﻮﺍﺭﻳﺦ
ﺍﻟﺴﺎﻋﺔ ﺗﺴﻌﺔ .
■ﺍﻟﺒﻨﺪﻭﺭﺓ ﻭﺍﻟﺒﻄﺎﻃﺎ ﺍﻟﺘﻤﻨﻴﺔ ﻛﻴﻠﻮ ﺑﻤﻴﺔ .
■ﺍﻟﺠﺎﺝ ﺑﺴﺒﻌﺔ ﺷﻴﻜﻞ ﻭﻧﺺ ﺍﻟﻜﻴﻠﻮ .
■ ﺍﻟﺠﻮ ﺗﻤﺎﻡ ﺍﻟﺘﻤﺎﻡ ﻭﺷﻮﺏ ﺷﻮﻱ ﺣﻴﻜﻮﻥ ﺑﺲ ﺗﺨﻔﻔﻮﺵ ﺃﻭﺍﻋﻴﻜﻢ ﺑﺮﺿﻪ .
■ﺍﻟﺪﻭﻻﺭ ﻧﺰﻝ ﺳﻌﺮﻩ ﺛﺎﻧﻲ ﻭﺻﺎﺭ 3.62 .
■ﺍﻟﺸﺮﻃﺔ ﺳﻜﺮﺕ ﻣﺒﺎﺭﺡ ﻋﺮﺱ ﻟﻠﻨﺴﻮﺍﻥ ﻛﺎﻧﻮﺍ ﻋﺎﻣﻠﻴﻨﻪ ﺑﺸﺎﺩﺭ ﺑﺎﻟﺸﺎﺭﻉ .
■ﻋﺪﺩ ﺍﻻﺻﺎﺑﺎﺕ ﺍﻟﻲ ﺑﻔﻠﺴﻄﻴﻦ ﻛﻠﻬﺎ ﻣﻦ ﻛﻮﺭﻭﻧﺎ ﺻﺎﺭ ﻋﺪﺩﻫﺎ 60 ﺷﺨﺺ .
■ ﻣﺒﺎﺭﺡ ﻣﺎﺕ ﺑﺎﻳﻄﺎﻟﻴﺎ ﺍﻛﺜﺮ ﻣﻦ 800ﻭﺍﺣﺪ ،ﻭﻓﻲ ﺍﻣﺮﻳﻜﺎ ﺗﻘﺮﻳﺒﺎ ﺻﺎﺭﻭﺍ
600 ﻭﺍﻟﻌﺪﺩ ﺑﻴﺰﻳﺪ .
■ ﻏﺰﺓ ﺑﻌﺰ ﺍﻟﻨﻬﺎﺭ ﺻﺮﻧﺎ ﻧﻼﻗﻴﻬﺎ ﺯﻱ ﺳﺎﻋﺔ ﺁﺫﺍﻥ ﺍﻟﻤﻐﺮﺏ ﺑﺮﻣﻀﺎﻥ .
# ﺻﺒﺎﺡ_ ﺍﻟﺨﻴﺮ ﻟﺒﻴﺎﻋﻴﻦ ﺍﻟﻌﻮﻗﺎ ﻭﺟﺮﺳﻮﻧﺎﺕ ﺍﻟﻤﻄﺎﻋﻢ ﺍﻟﻲ ﻭﻗﻒ ﺷﻐﻠﻬﻢ .
- ﺻﺒﺎﺡ ﺍﻟﺨﻴﺮ ﻟﻠﻨﺎﺱ ﺍﻟﻲ ﺍﻟﻬﺎ ﺑﺴﻄﺔ ﻗﺪﺍﻡ ﺍﻟﻤﺪﺭﺳﺔ ﻭﻫﻠﺤﻴﻦ ﻗﻌﺪﻭﺍ ﺑﺎﻟﺪﺍﺭ
- ﺻﺒﺎﺡ ﺍﻟﺨﻴﺮ ﻟﻌﻤﺎﻝ ﺍﻟﻮﻳﺮ ﻫﺎﻭﺱ ﺑﺎﻟﻮﻛﺎﻟﺔ ﻭﺍﻟﻲ ﺑﻴﺸﻴﻠﻮﺍ ﻃﺤﻴﻦ ﺍﻟﻜﺎﺑﻮﻧﺎﺕ
- ﺻﺒﺎﺡ ﺍﻟﺨﻴﺮ ﻟﻠﻨﺎﺱ ﺍﻟﻲ ﺑﺘﺒﻴﻊ ﻛﻨﺘﻴﻦ ﺍﻟﻤﺪﺍﺭﺱ ﻭﻭﻗﻒ ﺣﺎﻟﻬﻢ .
- ﺻﺒﺎﺡ ﺍﻟﺨﻴﺮ ﻟﺴﻮﺍﻗﻴﻦ ﺑﺎﺻﺎﺕ ﺍﻟﺠﺎﻣﻌﺔ ﺍﻟﻲ ﺑﻄﻠﻮﺍ ﻳﺎﺧﺬﻭﺍ ﻳﻮﻣﻴﺔ .
- ﺻﺒﺎﺡ ﺍﻟﺨﻴﺮ
#ﻗﻮﻟﻮﺍ_ ﺍﻟﺤﻤﺪ_ ﻟﻠﻪ ﻭﺭﺑﻨﺎ ﻛﺒﻴﺮ ﺣﺘﻔﺮﺝ
ﻭﺍﻟﻨﺸﺮﺓ ﺗﻐﻴﺮ ﻧﻤﻄﻬﺎ ﻓﻌﻼ ﻭﺑﻄﻠﺖ ﺗﺼﻴﻴﺮ ﺳﺎﺧﺮﺓ .. ﺻﺎﺭﺕ ﻣﻮﺟﻌﺔ ..
ﻳﺴﻌﺪ ﺻﺒﺎﺣﻜﻢ...

صباح الطمئنينه

تسلمي لنقل الاخبار عسى ربي يفرجها عالجميع يارب

يالي اخترع كتابة الاخبار بهالطريقة عبقري
عوافي وربنا يخلص هالعالم من الكرونا ويبعدها عنا وعن الجميع

كلشي في الاخبار بيغم
الله يهونها
يعطيك العافيه نقاء

امين ي رب
يسعدكم جميعا
نورتو موضوعي
دمتم بخير،،

يسسلممو نققاء
نششاللهه تننزليي الناا
خخلصتت ككورناا :/
يسسععدد ممسساككي ، ♡
وردهه

الله يفرجها
يسعد أوقاتك نقاء
مشكورة عالمتابعة

اقتباس   المشاركة الأصلية كتبت بواسطة queen hell يسسلممو نققاء نششاللهه تننزليي الناا خخلصتت ككورناا :/ يسسععدد ممسساككي ، ♡ وردهه

ان شاء الله ي رب
صارت امنيه وحلم والله
يسعد.قلبك
نورتي♡

اقتباس   المشاركة الأصلية كتبت بواسطة حنين الروح الله يفرجها يسعد أوقاتك نقاء مشكورة عالمتابعة

امين ي رب
مشكوره ع المرور حنين
نورتي♡

الله يفرجها بس
شكراً لك على المتابعة و النقل
تحيآتي