ع مين الحق برائيكم🤔🤔🤔

ابني متزوج من شهرين تقريبا
زوجته ما بتلبس وبتتزين متل هالعرايس وبنقهر لما اشوفها كانها الها 20 سنة متزوجة. احنا ما قصرنا نهائي معها من عفش بيت لعرس من كل شي الحمد لله لكنها الظاهر ما جهزت جهاز يليق بعروس
المهم
انعزمنا سوا على الغدا عند بيت اخي
انا حكيت لابني احكي لمرتك تلبس لباس انيق وتحط شوي كريمات
ميشان عروس
فانا اتصلت عليه ميشان ما يتاخروا بحكيله
خبرت مرتك تلبس اشي انيق بحكيلي خبرتها
وهي سمعته وصارت تصرخ وسمعتها بتحكيله امك الخرية ما الها دخل بلبسي
(انا آسفة على هالكمة بس مضطرة اكتبها)
انا صعقت بالكلام وسكرت التلفون
وصارت مشكله بينه وبينها
واتصل على ابوه يحل الاشكال ورفضت تستقبل ابوه وزوجي زعل وكان رافض تيجي معنا على العزومة
المهم انا حكيت ما بدنا بيت اخي يعرفوا بالمشكلة خلينا نروح العزومة و بدون ما نحكي معها مباشرة
ورحنا كل حدا بسيارته وانبسطنا وكانه ما في اشي ولما روحنا ابني رن علي بحكيلي بدها تيجي تعتذر مني ومن ابوه
وانا رفضت وحكيتله هي بحالها وانا بحالي
ولما نجتمع باي مناسبة كإنه ما في اشي
بس لا تيجي لعندي ولا اروح عليها.
هل انا غلطانة بقراري

غلطت على امه و رفضت تقابل ابوه
و بكل براءة اتصل على امه بحكيلها بدها تعتذر منك !

طيب نرجع للسؤال ، اه ي خالتو و الله انتي الغلطانة
اللي ما ربيتي ابنك يكون زلمة
المفروض ما راحوا ع العزومة
و مرته طلقها و حل هالقصة جذرياً

و بالنسبة للبس عنا عينات منهم بس للأمانة ما بغلطوا هههه

٢٢ ألف شيكل كلف جهاز وحدة بعرفها
بس اواعي و مكياجات و اكسسوارات

و ازا انتِ شفتي اشي عليها احنا شفنا
عشان ما اظلمها ، بنشوف طقم الصلاة بس هههه

يختي في بنات و الله خسارة فيهم هههه
بس بنرجع و بنقول كل وحدة كيف تأسست بتكمل حياتها
و اصعب شي تكون العيلة رائعة و انيقة و يجيبوا كنة
مهملة و لا بتعرف الأناقة و لا الرقي و لا بتهتم بحالها


القصة واقعية صح ؟
ههههه يسعد صباحك

اقتباس   المشاركة الأصلية كتبت بواسطة البريئة ! غلطت على امه و رفضت تقابل ابوه و بكل براءة اتصل على امه بحكيلها بدها تعتذر منك ! طيب نرجع للسؤال ، اه ي خالتو و الله انتي الغلطانة اللي ما ربيتي ابنك يكون زلمة المفروض ما راحوا ع العزومة و مرته طلقها و حل هالقصة جذرياً و بالنسبة للبس عنا عينات منهم بس للأمانة ما بغلطوا هههه ٢٢ ألف شيكل كلف جهاز وحدة بعرفها بس اواعي و مكياجات و اكسسوارات و ازا انتِ شفتي اشي عليها احنا شفنا عشان ما اظلمها ، بنشوف طقم الصلاة بس هههه يختي في بنات و الله خسارة فيهم هههه بس بنرجع و بنقول كل وحدة كيف تأسست بتكمل حياتها و اصعب شي تكون العيلة رائعة و انيقة و يجيبوا كنة مهملة و لا بتعرف الأناقة و لا الرقي و لا بتهتم بحالها القصة واقعية صح ؟ ههههه يسعد صباحك

اها واقعيه القصه.
اذا لسه وهيه عروس بتغلط هاي لم يصرلها كم سته متزوجه شو رح تعمل وتغلط هههه

عشان هيك الواحد مايتسرع ويخطب اي وحده .

كلامك دائما مقنع البريئه وعجبني ردك والله
بحس هيك فاهمه الحياة منيح بس مش زابطه معاك هههه

حبيبتي انبسطت انك اول معلقه ع الموضوع
يسعدك

الغلط ع الاتنين
اول شي ان الام ادخلت بلبسة الكنة يعنى عروسة او شو هيه حرة بلبسها
وغلطت بسوء اختيارها زوجة لابنها وترباية ابنها كمان متل ماحكت البريئة
والغلط الاكبر انها اخدتها ع العزيمة .. كان ما اخدتها واعتذرت للناس انها ما اجت لاي سبب

وغلط الابن انه دام غلطت بكلمة تقيلة متل هاى اكيد كانت تغلط من قبل وهو يمشيلها الاصل انه وقفها وعرفها حدها من اول
يسسلمو سكون للطرح
ماننحرم

هو كبداية ما خص الام فيها او بلبسها او تحط مكياج لانها عروسة او ما تحط
هي حرة مع زوجها هدا الاشي
لكن الغلط ع الاهل اشي كبير وانها عدت القصة عادي وزوجها عداها عادي الها
هذه مشكلة اكبر صحيح ما بتوصل للطلاق بس اذا عروسة وبتغلط ع اهله وما بتستقبل ابوه
ايش بكرا بدها تساوي
لازم كان رجعها عندد اهلها يربوها من اول وجديد

اجابات كلها مقنعه
شكرا لكم

اول شي هاي وحدة معفنه وقليلة ترباية
تاني شي لو هو زلمة وعنده كرامة كان طلقها من اول م غلطت بحق امه

الحق ع العريس ومن قبله الحق ع الي خلفو هيك حشرة متل العروس م عرفو يربوها ويعرفوها شي عن احترام جوزها واهلو

عوافي سكون