سؤال ؟

لفت انتباهي قصة حب بين شاب وفتاة
هو كويس ما يعيبه شي
لكن هي من ذوي الإعاقات والا حتياجات الخاصة
وبتمشي علي عكاز وقصيرة جدا بالنسبة اله
لكن الحب يصنع المستحيل
وأبدا مش خجلان هو منها وبتشرف فيها قدام الكل
رغم معارضة اهله وأهلها والمجتمع

للشباب / هل تقبل بهيك زوجة
ليش تقبل وكمان ليش ممكن ترفض

للبنات / هل تقبلي بهيك زوج
ليش القبول والرفض

بانتظاركم

للبنات / هل تقبلي بهيك زوج
ليش القبول والرفض

مش عارفة ، الحب بغطي كل العيوب
ازا كنت بحبه بوافق اكيد
ازا ما في حب ما بعرف حسب وضعت و حالته الصحية

جاوبي انتِ كمان
تحياتي

ما بعرف والله
بالنهاية كل شي قسمة ونصيب
يسسلمو مروش

من وجهة نظري وقت النصيب الانسان م بيقدر يختار
النصيب أقوى من كل اشي
يسلمو مروة ع الطرح
م ننحرم

دعنا نكون صريحين ومانجاوب بالعاطفة والافلام الرونسية وووو

من جهة المنطق و الواقع وتاثير الاسرة والمجتمع مابقبل حتى ولو كان حب وووو الواقع صعب وعارف ان اكثر من هنا لا راح يقبل يتزوج هيك زيجة

عن نفسي اذا بحبه وعندي قوه اقاوم المجتمع وكلامهم واهلي وهلااشياء كلها
بوافق عادي وبكمل معه بس اذا ماعندي هالقوة فالرفض افضل لااظلمه ولا اجرحه
اتركهه بالبدايه افضل من اني اقبل وبعدين اتخلى عنه

عوافي حبي

ما رح اكون مثاليه واحكي ممكن اقبل هيك زواج
رح اكون واقعيه واحكي انه ما بقبل ،، هيك بكل بساطه
يسلمو حبيبتي مروة ع السؤال

اعاقة عن اعاقة تفرق
دام يمشي على عكاز فالإعاقة خفيفة ولاتعيقه في آداء واجباته
لكن إذا الإعاقة قوية أكيد صعبة ، إلا إذا كان الإعاقة حدثت بعد الزواج فهذا قدر وأكيد راح أرضى بقدري وماأتخلى عنه

أشكرك على السؤال

رح اجاوب بمنتهى الصراحة. مع إننا منحاول دايما نكون مثاليين بس في كتير مواقف احنا لازم نقيس حالنا فيها بعتقد بهالطريقة منكون حقيقيين اكتر. مفش اي مشكلة اجي واقولك اه موافقة. هذول الكلمتين يمكن تصدقيهن يمكن لاء.
بحبش المثالية بمثل هاي المواقف والاسئلة يللي بعتبرها صعبة لإنه في مسألة دهر بالموضوع.
اول شي الكمال ل الله، من هذا المنطلق إحنا منقدر نرتبط لأنه انا كمان مش كاملة وكلنا عنا امراض وراثية إن كانت او مزمنة او حتى شوية تشوهات بالجسم او اعاقات.
بس من ناحة انت بدك تفكري منيح قديش هذا الشخص مناسب إلك. يعني بدي اعطيكي مثال لمن بدو اياكي شخص بياخد ٢٠ حبة دوا باليوم واعجبك ومقبول وكل شي. بس هذول العشرين حبة دوا بدك تفكري فيهن!! اذا بيأثروا على امور تانية مهمة بالحياة الزوجية مثل الإنجاب او العلاقة الجنسية او حتى المزاج والنفسية وصحة العقل إلخ ..
فمش رح اكون مثالية واقلك اه بوافق عليه، لإني رح افكر بكثير شغلات بالمقابل! وبعتقد هذا حق او حتى بعتبره تصرف إنسان سليم عم بيفكر بكل منطق.
الحياة مش فوضى.
مع إنه الزواج قسمة ونصيب بس في إمور بإيد الشخص نفسه ما بيكون علاقة للنصيب ابدا!!
سؤالك كان صعب. بالتوفيق.

للبنات / هل تقبلي بهيك زوج

لا مارح اقبل
هو انا كل يوم ح جوز
بدي اعيش وانبسطت
عشان هيك حرفض

يسلموووو