كبرنا......😢😢

كبرنا لدرجة صرنا نلبس نفس الملابس يومين وثلات ورا بعض..... وعادي

كبرنا حتى صرنا نخاف على أهلنا بدل ما نخاف منهم .. بطلنا نجادل حدا لما نعرف إنه احنا الصح .. صرنا نترك الأيام تثبت صحة وجهة نظرنا ..
كبرنا لدرجة بطلنا نحكي لحدا شو صار وبصير معنا ، ولا شو وجعنا.....

صرنا نفرح عالسكت ، ونزعل عالسكت
صار عادي شو ما كان نوع تلفوني..
وشو ما كانت ماركة ملابسي.....
ووين ما كنت ساكن.....

بطلت النكت العاديه تضحكنا، لأن إحنا صرنا مو أي شي بضحكنا....
بس ذكريات الدراسه المضحكة مع صحابنا أيام زمان هي الي بنتذكرها وبنضحك عليها عالسكت.

وما عاد يأثر فينا الحكي الحلو، صار بدنا أفعال من القلب

بطلنا نتخوث على العالم زي زمان................. صرنا نحكي (الله يعين العالم )

كبرنا وصرنا نعطي صدقة للفقير بدون ما نحكيله ادعيلنا

كبرنا وعرفنا إنه المظاهر خداعة...يا لطيف شو خداعه
كبرنا وصار عادي اقول لأصحابي... ما بقدر اطلع معكم اليوم لانه ما معي مصاري، بطلت تفرق معنا
وعرفنا كمان إنه فعلا مو كل الي يلمع ذهب .. وإنه حبل الكذب قصير .. وتعرفنا على اللي بيضحك علينا........... وتركناه مصدق حاله...
حتى المعجزات بطلنا نستناها

وتعلمنا إنه ما نستنى شي من حدا .. وسلمنا أمرنا لله....
صرنا ندعي انه الله يسترها معانا ويحسن خاتمتنا
كبرنا وبطلنا نخاف من حكي الناس، لأنه ما عاد يمهنا حكيهم
كبرنا وبطلت تفرق معنا اشتغلنا والا ما اشتغلنا، لأنه عارفين مافي مستقبل ينتظرنا

كبرنا كلام جدا حقيقي وواقعي
بس انا باعتبر هذه المرحلة
نضج فكري وعقلاني جميل
مرحلة كتير حلوة بحياتنا احسنت النشر

اقتباس   المشاركة الأصلية كتبت بواسطة سارة المصرية كبرنا كلام جدا حقيقي وواقعي بس انا باعتبر هذه المرحلة نضج فكري وعقلاني جميل مرحلة كتير حلوة بحياتنا احسنت النشر

أحسن الله إليك
شكرا لك

موضوع جميل
يعطيك العافيه

اقتباس   المشاركة الأصلية كتبت بواسطة قبانية الهوى موضوع جميل يعطيك العافيه

عافاك الله واسعد قلبك
شكرا لك

	السلام عليكم ورحمة الله وبركاته يسلموووا ع الطرح الاكثر من رائع يعطيك الف عافية بانتظار جديدك دائما تحيتي