وهيك انتهت احلامي بتدمير حياتي....😢

كان عمري 14 سنة لما صرت اطلب من امي شغلات ... وكلشي تقلي بس تتجوزي

- امي بدي سافر عتركيا
بس تتجوزي بتسافري مع جوزك

- امي بدي اشتري ميك اب
بس تتجوزي بتشتري ميك اب

- امي بدي روح عالبحر
بس تتجوزي بتروحي مع جوزك

- امي بدي موبايل
بس تتجوزي جوزك بيشتريلك

- امي بدي اكل
بس تتجوزي بتاكلي ازا اكلتي هلأ بتسمني و بتلزقي بوشي طول العمر

حتى ازا قلتلا بدي روح عند رفيقتي تقلي بس تتجوزي بتروحي عند رفيقتك 😂😂😂

المهم ما بدي شط ومط بالكلام .. كبرت وحطيت كل احلامي بالمسكين يلي رح يتجوزني 😦😦😦

سفر وشمات هوا ورحلات كانت تطلعلي جنب راسي على شكل غيمة 😍😍😍🗯🗯🗯🗯

وتجوزت 😍😍💑💑💍💍💍

- حبيبي متى رح نطلع على تركيا ؟
والله ازا طلعنا عالعقبة بيكون ممتاز 😐

- حبيبي بدي تشتريلي ميك اب 😍
لا انتي حلوة هيك ما بدي تحطي شي عوشك ما بحب 😐

وصارت احلامي تطلع جنب راسي على شكل حفوضات بيبي 👶 مليانة مو فاضية ها 😂😂😂

والغيمة يلي بتظهر جنب راسي مطرت اطفال ... اول بيبي والتاني والتالت لحتى ما عاد الي احلام اصلا
وبطلت اطلب اسافر على تركيا صرت اترجاه يخليني زور اهلي 😑
والموبايل مصاريفو كتيرة لهيك ما بيلزمني يا دوب نلحق فوط وحليب وتياب لولادنا 👭👬👕👖👗
وما عادت تعجبني العيشة لأنه ماما خلتني حس انه جوزي بنك سعادتي وانصدمت بالعكس 😦😦
وصارت تزيد مشاكلنا اكتر وأكتر ..
ما سافرنا عتركيا 😢
ولا اشترالي ميك اب 😑
ولا كان سبب سعادتي 💔
بس انا كنت سبب تعاستو 😑

هي مو الحياة يلي خبرتني امي اني رح عيشا
لك حتى الأكل ما عم لحق اكل .. بين هاد بدو ياكل وهاد بدو يرضع وهاد بدو يغير الحفوضة
اي مو هي الأحلام يلي بنيتا عالزواج 😢😢

وصارت اصواتنا تعلى كل يوم اكتر من يلي قبلو 💔
وبدل ما سافر على تركيا 😍🛬🛬
رحت عالمحكمة واتطلقت ☹☹
وفهمت انه الأحلام بتبقى احلام 😕
والواقع بيختلف كتيييير عن احلامنا !!
امي غلطت بس فهمتني انه الحياة عبارة عن زوج 🤔
وانا غلطت بس تماديت بأحلامي

#وهيك انتهت احلامي بتدمير حياتي#

هاد زمان الحكي
هلئ الجيل بعرف كل شي
مافينا نعيش احلام و هيك قصص
يسلمو نقاء
الله يبعتلك ايام حلوة
و
سنين احلى

اقتباس   المشاركة الأصلية كتبت بواسطة أوركيدا هاد زمان الحكي هلئ الجيل بعرف كل شي مافينا نعيش احلام و هيك قصص يسلمو نقاء الله يبعتلك ايام حلوة و سنين احلى

نورتِ رشا
يسعدك

أحلام عصافير وواقع مرير ..
الحياة أحيــانا بتكون قاسية علينــا ..
وبتترك بييننا وأحلامنا مسافات بعيدة ..

قصة مؤثرة
يسلمووو للطرح نقاء

اقتباس   المشاركة الأصلية كتبت بواسطة رنين الصمت أحلام عصافير وواقع مرير .. الحياة أحيــانا بتكون قاسية علينــا .. وبتترك بييننا وأحلامنا مسافات بعيدة .. قصة مؤثرة يسلمووو للطرح نقاء

مزبوط كلامك رنين
نورت موضوعي
واسعدني حضورك
دمت

ششهادهه ششو بوججعع القصصهه !
اححياناا بلومم الششخصص نفسسهه
و ممراتت بكونن الواقعع مما بقددر يخليهه
يححقق ششيي و هادد الاصصعبب !
وبردووو ممشش الزواجج ههوو يلل رحح يححققلهاا ككلهادد
وردهه

اقتباس   المشاركة الأصلية كتبت بواسطة بييككآاتششوو ششهادهه ششو بوججعع القصصهه ! اححياناا بلومم الششخصص نفسسهه و ممراتت بكونن الواقعع مما بقددر يخليهه يححقق ششيي و هادد الاصصعبب ! وبردووو ممشش الزواجج ههوو يلل رحح يححققلهاا ككلهادد وردهه

اكيد مش الزواج
الا لو كانت ظروف منيحه كتير وفوق العاديه
نورت حبي
يسعد قلبك

ما هو الزوج كمان مش مصباح علاء الدين ليحقق كل لشيء لمرته
بيحققوا ع قد ما بقدرو لكن تكون الاحلام من واقعهم او حتى خيالية بس ما تكون
سبب لتعاستهم سوا

يسعدكك لادراجك ..

اقتباس   المشاركة الأصلية كتبت بواسطة الصياد ما هو الزوج كمان مش مصباح علاء الدين ليحقق كل لشيء لمرته بيحققوا ع قد ما بقدرو لكن تكون الاحلام من واقعهم او حتى خيالية بس ما تكون سبب لتعاستهم سوا يسعدكك لادراجك ..

ويسعد ك لمرورك
اسعدتني مداخلتك
دمت ب سعاده

مشكلة هاى ان الام تحط براس بنتها ان الزواج هو اهم شي بالحياة
صح احنا بزمن مختلف ومنفتح بس بهاى الامور الاشي متل ماهو
لدرجة انه البنت صارت تحكى بس اتزوج هعمل هيك وبس اتزوج هيصير هيك

موضوع مهم نقااء
عوافى الك